Salmos 3 - Biblia ande chib Romani

Molilpe te pomozil o Del

Llilia e Davideke kana nasela katar po chavo o Absalon.

¹ Devla, but llene si me dusmanura, but llene si kai inai lenge drago so me cherav,

² ¡but llene phenen mandar gia: O Del ni ka braduil le!

³ A tu Devla, thove tut angla mande te arakhe man sargo iek eskudo, tu de man zor, tu vazde man.

⁴ Urkiu ta mangav e Devletar ta vou del anglal katar po burdo santo.

⁵ Perav mange ta sovav, ta pale llungadivav, soke o Del arakhel man.

⁶ Ni daraven man me but dusmanura, kai si truial mandar te zatrin man.

⁷ ¡Uste Devla! ¡Tu san mo Del, braduisar man! Tu ka chalave me dusmanonen pe lengo mui, ¡ka phage e danda katar e bilache llene!

⁸ Tu Devla san kai bradui blagosisar che foro.