Salmos 26 - Biblia ande chib Romani

Llana kai si iek zivoto chisto

Llili katar o David.

¹ Devla, krisisar man, soke llav chachimaia. Ande tute uzdiu man sa me liea.

² Dik sar ziviu ¡zumav man! ¡zumav me mislura ta zumav so si andre ande mo lio!

³ Me llanav so si cho volipe ta llav ande cho chachipe.

⁴ Nikada ni zivisardem e kojamnenchar ta ni chidinailem e llenenchar kai cherenpe so inai.

⁵ Joli si mange kana chidiniaon e bilache llene, ¡nikada ni zivisardem e bilachenchar!

⁶ Me vastenchar jalade katar o bilachipe, mangav te avav Devla, pasa cho altar,

⁷ te blagosiv tut llilienchar, ta te phenav e bare ezgode kai chere.

⁸ Devla, me voliu o cher kai tu zivi kote kai si chi liubao.

⁹ Na muk te merav e bilachenchar, na cher te nakhav so nakhen e llene kai mundaren averen,

¹⁰ gola kai lenge va si pherde bilachipe ta love kai lie kojaimaia.

¹¹ A mo zivoto si chacho. ¡Braduisar man, te avel chuke zalba mandar!

¹² Me porrne ustaven pe phuv e zurali, ¡ka blagosiv e Devle angla leko foro!