Salmos 2 - Biblia ande chib Romani

Tu san mo chaurro

¹ ¿Soke si burkania ande phuvia kai ni pachan ando Del? ¿Soke mislinpe te cheren ezgode napoda?

² E charura ta e kraliura e phuviake, ni cheren pe Devleko, ta chidiniaon te thoven kasti e Devleke ta e charoke kai o Del esvirisarda,

³ ta urkin: ¡chuda amendar leke lanchura kai phanden amen! ¡Ta chuda amendar leko gazdaripe kai si pe amende!

⁴ O Del, kai gazdaril ando miloso, asal peke lendar,

⁵ mapalal, joliariko, daravel len, ta pherdo joli phenel lenge gia:

⁶ Blagosisardem me charo ando Sion mo burdo santo.

⁷ Ka phenav so mangel te cherel o Del: vou phenda mange gia: Tu san mo chavo, me cherdem tut mandar allive.

⁸ Mang mandar te dav tut e phuvia, ta te avel chiro sa o sueto, ta me ka dav le chuke.

⁹ Rovli sastruni ka avel tut ta ka drobo e charonen, ¡ka phage len pe milia kotora sargo piria chikake!

¹⁰ Charura ta kraliura e suetoke, acharen gaia ezgoda, ¡sikon orta so sikavav tumen!

¹¹ Blagosin e Devle liubaimaia, ta veselin tumen daraia.

¹² Den liubao e chave, te na joliaol ta na meren e dromea, soke leki joli bariol kana tumen ni uzdin tumen. ¡Blagosime gola kaiuzdinpe ando Del!