Salmos 15 - Biblia ande chib Romani

So aduricharel o Del katar o manus.

Llili katar o David.

¹ Devla, ¿Ko ka zivil ande chi chara? ¿ko ka zivil pe cho santo burdo?

² Samo o lleno kai llal orta ta cherel o chachipe, gua kai phenel o chachipe sa pe liea,

³ gua kai ni del orba bilachi nikatar, gua kai ni dukhavel pe amale ta ni kusel e llene kai zivil pasa leko cher,

⁴ gua kai dikhel jolinaia po lleno kai trubul te dikhe jolinaia, a blagosil gole kai blagosil e Devle, gua kai ni phagel pe sovel i te na llal leke sukar,

⁵ gua kai del unllile bi te mangel chari, gua kai ni lel love te dosarel gole kai inai dosalo. O lleno kai zivil gia, nikada ni ka perel.