Salmos 146 - Biblia ande chib Romani

O blagosipe e Devleke, pala so cherda

¹ ¡Aleluia! Ka blagosiv e Devle sa me liea.

² Ka blagosiv e Devle sogo ziviva, ka llilabav e Devleke sogo avava llundo.

³ Na uzdin tumen ande llene glamne, ande manusa kai nasti braduin,

⁴ soke kana meren irinpe kai o prajo, ta isto gua llive si o son katar lenge mislura.

⁵ Blagosime o manus kai pomozil le o Del katar o Jakob, gua kai uzdilpe ando Gazda leko Del.

⁶ Vou cherda o miloso, e phuv ta e mora, ta sogo si ande lende. Vou nikada ni phagel po alav.

⁷ Chinel kris e llenenge kai si ande nuzda ta del te jan marrno golen kai si bokhale. O Del mukliarel e phanglen.

⁸ O Del cherel te dikhen e korre, o Del vazdel e llenen kai si peradine, o Del volil e chachen.

⁹ O Del arakhel e llenen kai si katar aver phuvia, arakhel e bidadenge ta e phivlien, a e bilachen cherel len te jasaon katar o drom.

¹⁰ ¡Ioi Sion! o Del ka charoil ostade, cho Del ka charoil sa e bursenchar. ¡Aleluia!