Salmos 143 - Biblia ande chib Romani

Ando Del uzdiu man

Llili katar o David.

¹ Devla, asun mo molipe. Thou sama kai mangav tutar. ¡De man anglal, soke tu san chacho ta chachuno!

² Na krisisar che sluga, soke angla tu niko nasti chacharelpe.

³ Me dusmanura llan pala mande, chuden man pe phuv, thoven man te ziviu ando truniariko sargo kana sem mulo.

⁴ Ni dav ios katar e brige, mo lio si chucho.

⁵ Dav man golli katar o vreme o purano, ta misliu man ande sa so cherdan.

⁶ Karing tute inzarav me va, trusalo sem tutar, sargo e phuv e suki.

⁷ Devla, ¡de man anglal oma soke merav! na de man e zea, soke ondaka ka avav sargo e mule.

⁸ Cher te asunav cho volipe thiarinako, soke ande tute uzdiu man. Cher te llanav pe savo drom si te phirav, soke ande che va muklem mo zivoto.

⁹ Devla, kurtulisar man katar me dusmanura, soke tute gurudivav.

¹⁰ Sikav man te cherav so tu mange, soke tu san mo Del. ¡Cho lacho duo te inllarel man pe iek drom orta!

¹¹ Devla, pala cho anav ¡cher man te ziviu! Soke san chacho, ¡ikan man katar e nevolia!

¹² Pala cho volipe, ¡zatrisar me dusmanonen! ¡zatrisar golen kai roden te mundaren man, soke me sem cho sluga!