Salmos 142 - Biblia ande chib Romani

Tu arakhe man

O David sikola, kana saia gurudino.

¹ Ando baro avazi mangav e Devletar, ando baro avazi mangav leki zalba.

² Angla le phenav so dukhavel man, angla le phenav mi nuzda.

³ Kana ni dav ios katar me brige, ta thoven mange kojaipe pe mo drom, tu Devla, llane katar si te phirav.

⁴ Dikhav pe mi chachi ta niko ni avel te pomozil man. ¡Inai man niko te arakhel man! ¡Ta inai man niko te brigilpe pala mande!

⁵ Devla, chuke moliv man, chuke phenav: Tu arakhe man, tu san mange sa pe gaia phuv.

⁶ Thou mange sama kai ni dav ios, soke inai man zor. Kurtulisar man katar gola kai llan pala mande, soke si mai zurale mandar.

⁷ Ikan man katar mo phandipe ta gia sai ka blagosiv tut. E llene chache ka aven truial mandar kana ka dikhen kai pomozisardan man.