Salmos 140 - Biblia ande chib Romani

O molipe te arakhel amen o Del

Katar o lleno kai sikavel te llilaben. Llili katar o David.

¹ Devla, kurtulisar man katar e llene bilache. Arak man katar e silne llene,

² gola kai mislinpe te cheren o bilachipe ta sorro llive roden te marenpe.

³ Lengi chib pusavel sargo danda sapenge. Lenge alava mundaren sargo o sap.

⁴ Devla, arak man katar e va e bilachenge, arak man katar e llene silne, katar gola kai roden te peraven man.

⁵ Gola barikane thoven mange o kojaipe, thode mange mreze ta sole, thode mange o kojaipe po drom.

⁶ Phendem e Gazdake: Tu san mo Del, ¡asun sar urkiu ta moliv man!

⁷ Devla, Devla, tu san mo zuralo braduimari, tu arakhe mo zivoto kana marav man.

⁸ Devla, na cher so mangen e bilache, te na cheren pe piro, na muk len te dobin.

⁹ ¡A e llene bilache kai si truial mandar, cher te perel pe lengo soro sa so phende te nakhav me!

¹⁰ Te peren pe lende angara phabarde. Te peren ande bare bunaria ta te na liken lendar nikada.

¹¹ Te na zivil ios pe phuv o lleno kai si kojamno. Te resel o bilachipe po lleno silno ta te zatril le.

¹² Me llanav kai o Del ka chinel kris e llenenge kai si chorre ta kai trubul len.

¹³ E llene chache ka blagosin cho anav. ¡E llene orta ka zivin tuia!