Salmos 12 - Biblia ande chib Romani

O molipe te pomozil o Del

Katar o lleno kai sikavel te llilaben. Llili katar o David.

¹ Braduisar amen Devla, soke inai llene kai pachan chachimaia, inai llene chache.

² Kojaven iek avereke, den orba kojaimaia ta den dui orbe ande iek.

³ Devla, ikan zilenchar e kojamnen ta e llenen kai istardon,

⁴ golen kai phenen: Te avel amen mui, dosta amenge, amari chib arakhel amen. ¿Ko ka phenel amenge so si te chera?

⁵ O Del phenel gia: E llenen kai si chorre ta kai inai len zor, dukhaven len ta cheren len te nakhen patnia. Goleke akana ka ustav, ta ka dav len o pomozipe kai gachin zelin.

⁶ E sovlia kai jala o Del si chache, von si sargo o rup o mai chachuno kai si thodo ande furnava efta droma.

⁷ Tu Devla ka arakhe amen, ¡suako llive ka arakhe amen katar gola llene!

⁸ E bilache llene llan pe suako rig, ta sa o sueto blagosil o bilachipe.