Salmos 114 - Biblia ande chib Romani

E mislura kana likiste katar o Ejipto

¹ Kana o Israel, o cher katar o Jakob, likisto katar o Ejipto, o foro averengo,

² o Juda cherdilo e chara e Devleki, o Israel cherdilo leko.

³ Kana e mora dikhla e Israele, nasli, ta o pai o Jordan llelotar palpale.

⁴ ¡Sogo si e burdura jutle sargo bakre ta sargo bakrorre!

⁵ ¿So avila chuke mora, soke naslan? ¿So avila chuke Jordan, soke llelantar palpale?

⁶ ¿So si tumenge burdura, soke jutlen sargo bakre ta sargo bakrorre?

⁷ ¡Phuv, izdra angla o Gazda, angla o Del katar o Jakob!

⁸ ¡Vou cherda katar e pechine baro pai! ¡ta e barra cherda len pai kai likel katar e phuv!