Salmos 110 - Biblia ande chib Romani

O Del cherel te avel le zor e charo

Llili e Davideki.

¹ O Del phenda me gazdake: Bes pe mi rig e chachi, lligo ni ka dobiu che dusmanonen.

² Katar o Sion o Del ka cherel te gazdari pe che dusmanura.

³ Cho foro delpe tute ando llive kai ka dobi. Pe burdura sante, ta gia sar pechalpeke thiarinako, suako llive cherdo mai terno.

⁴ O Del jala sovel, ta ni ka phagel len: Tu san popo ostade, sargo o Melkisedek.

⁵ O Del si pe chi rig e chachi, ando llive katar leki joli, ka zatril e charonen.

⁶ Ka krisil e phuvien, e mulen ka chidel len pe umpe, ¡ka phagel e sore ande sa e phuvia!

⁷ Po drom ka piel pai katar iek len ta o pai ka del le nevi zor.