Salmos 100 - Biblia ande chib RomaniO Del cherda amen ta sam leke Llili kai del fala e Devle 1 ¡Llilaben e Devleke veselimaia sa e llene kai si pe phuv! 2 Blagosin e Devle veselimaia, ¡urkin veselimatar ta aven angla le! 3 Phenen chachimaia kai o Del si o Gazda, vou cherda amen ta sam leke, ¡sam leko foro ta bakre katar leki char! 4 Aven kai si leke udara ta kai leki sobe katar leko cher ta llilaba llilia kai den le fala ta kai blagosin le. ¡Den le fala ta blagosin leko anav! 5 Soke o Del si lacho, leko volipe ni merel nikada ta si amenchar chacho ostade. |
Biblia ande chib Romani © Sociedad Bíblica Chilena, 2018.
Chilean Bible Society