Salmos 1 - Biblia ande chib Romani

E veselia chachuni

¹ Blagosime o manus kai ni cherel so phenen e bilache llene, ta kai ni phirel pe bilachenge droma, ta ni besel e llenenchar kai maren espurnia katar o Del,

² kai thovel po volipe ando zakono e Devleko ta kai mislilpe ande lete orachaia ta ollivesea.

³ Gua manus si sargo iek kas kai si thodo ande phuv pasa iek len, del pe septelie ande po vreme ta nikada ni sukon leke patra. ¡Ta sogo cherel, likel leke sukar!

⁴ A e bilache llene inai gia, soke von si sargo e char suki kai inllarel la e balav.

⁵ Goleke e bilache llene ka peren ande kris e Devleki, ta ni ka aven ande iek than e llenenchar kai si chache.

⁶ O Del pinllarel o drom e chachengo, a o drom e bilachengo inllarel karing e zatrania.