Oseas 14 - Biblia ande chib Romani

O Oseas molilpe e Devleke te keilpe o Israel

¹ ¡Irisao e Devleke cho Del, ioi Israel soke pala cho bilachipe pelantar!

² Irin tumen e Devleke ta phenen e Devleke gava molipe: Prostisar amaro bilachipe ta ka da tut kurbanura katar amare us.

³ O asirio nasti braduil amen ta ni ka nasa pe gra. Nikada ios ni ka phena amare delenge kai isto amen cherdam: Tumen sen amare dela, soke samo ande tute o lleno kai inai le dei ta dad ka malavel zalba.

O Del achel po alav e Israeleke kai ka del le zivoto nevo

⁴ Me ka sastarav tumen, ta ka voliv tumen samo gia, soke liape mandar e joli pe lende, phenel o Gazda o Del.

⁵ Me ka avav e Israeleke sargo kana pechal peke, ta leke lulunlla ka barion, leke zile ka resen zurale sargo o Libano.

⁶ Leke krangura ka barion sukar sargo e krangura katar e maslinka, ta ka khandel sukar sargo o Libano.

⁷ O Israel pale ka zivil telal tala leki senka, ka barion sargo o lliu, sargo e drakha, ta ka aven pinllarde sargo e mol katar o Libano.

⁸ O Efrain ka phenel: ¿So chitilpe mange e delen? Me ka asunav le, ka dikhav le. Ka avav leke sargo kas zeleno, ta ande ma ka malave chi septelia.

⁹ ¿Ko si o bizai te sai acharel gava? Soke e droma e Devleke si orta, ta e lache ka llan pe lende, a e bilache ka peren ande len.