Numeros 7 - Biblia ande chib Romani

E ofrende te santifikin o santuario

¹ O llive kana o Moises gotovisarda te vazdel o santuario, santifikisarda le e zeitinoia, ta i sa ezgode katar o santuario ta katar o altar,

² Mapalal e birovura katar o Israel gola kai pomozisardea te cheren o llindipe llele

³ ta ande angla o Del ofrenda sov kochie ta desudui guruva, dui birovura die iek kochia a suako birovi dia iek guruv. Sa gala ezgode thode len angla o santuario.

⁴ Ondaka o Del phenda e Moiseseke:

⁵ Le e kochie ta e guruva ta delen e levitaonenge te sai radin lenchar ande ezgode katar e chara kai chidiniaon, prema o rado kai si te cherel suako lleno.

⁶ O Moises lia e kochie ta e guruva ta fulada len maskar e levita.

⁷ E chaurre katar o Gerson dia len dui kochie ta star guruva, kai gua si so trubula len ande po rado.

⁸ A e chaurre katar o Merari kai sea tala o va katar o Itamar chaurro katar o popo Aaron, dia len star kochie ta ojto guruva, soke gua si so trubula len ande lengo rado.

⁹ A e chaurren katar o Keat ni dia len kochie ta ni guruva, soke e ezgode sante kai von saia te inllaren saia te inllaren len pe pe dume.

¹⁰ O llive ka po altar thode o zeitino, e birovura katar e viche ande pe ofrende ta thode len angla o altar.

¹¹ Ondaka o Del phenda e Moiseseke: Iek llive ka avel iek birovi katar iek vicha ta o gua llive aver te anen pi ofrenda te santifikin o altar.

¹² O purvo llive anda pi ofrenda o Naason, chaurro katar o Aminadad, katr e vicha katar o Juda.

¹³ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

¹⁴ ta iek rroi bari sunakuni kai phariavela stotina gramura, pherdi taimano,

¹⁵ ta iek telcho, iek busno, iek bakro iekhe burseko te den le kurbano phabardo,

¹⁶ ta iek busno te del le kurbano pala o bilachipe,

¹⁷ ta dui guruva, panch busne ta panch bakre iekhe bursenge. Gaia saia e ofrenda katar o Naason, chaurro katar o Aminadad.

¹⁸ O duito llive inllarda pi ofrenda o Natanael, chaurro katar o Suar, o borovi katar e vicha katar o Isakar.

¹⁹ Leki ofrenda saia iek tepsia rupuni kai phariavela kila ta dopas prema sai pariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

²⁰ ta iek rroi bari sunakuni kai phariavela stotina gramura, pherdi taimano,

²¹ ta iek telcho, iek busno, iek bakro iekhe burseko te den le kurbano phabardo,

²² ta iek busno te del le kurbano pala o bilachipe,

²³ ta dui guruva, panch busne ta panch bakre iekhe bursenge. Gaia saia e ofrenda katar o Natanael chaurro katar o Suar.

²⁴ O trito llive anda pi ofrenda o Eliab, chaurro katar o Elon, o birovi katar e vicha katar o Zabulon.

²⁵ Ta leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

²⁶ ta iek rroi bari sunakuni kai phariavela stotina gramura, pherdi taimano,

²⁷ ta iek telcho, iek busno, iek bakro iekhe burseko te den le kurbano phabardo,

²⁸ ta iek busno te del le kurbano pala o bilachipe,

²⁹ ta dui guruva, panch busne ta panch bakre iekhe bursenge. Gaia saia e ofrenda katar o Eliab chaurro katar o Elon.

³⁰ O starto llive anda pi ofrenda o Elisur, chaurro katar o Sedur, o birovi katar e vicha katar o Ruben,

³¹ Ta leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

³² ta iek roi bari sunakuni kai phariavela stotina gramura, pherdi taimano,

³³ ta iek telcho, iek busno, iek bakro iekhe burseko te den le kurbano phabardo,

³⁴ ta iek busno te del le kurbano pala o bilachipe,

³⁵ ta dui guruva, panch busne ta panch bakre iekhe bursenge. Gaia saia e ofrenda katar o Elisur chaurro katar o Sedeur.

³⁶ Pala o panchto llive inllarda pi o frenda o Salumiel, chaurro katar o surisadai, birovi katar e vicha katar o Simeon.

³⁷ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

³⁸ ta iek rroi bari sunakuni kai phariavela stotina gramura, pherdi taimano

³⁹ ta iek telcho, iek busno, iek bakro iekhe burseko te den le kurbano phabardo,

⁴⁰ ta iek busno te del le kurbano pala o bilachipe,

⁴¹ ta dui guruva, panch busne ta panch bakre iekhe bursenge. Gaia saia e ofrenda katar o Selumiel chaurro katar o Surisadai.

⁴² O Souto llive, inllarda pi ofrenda o Elisafat chaurro katar o Reuel, birovi katar e vicha katar o Gad.

⁴³ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁴⁴ ta iek rroi bari sunakuni kai phariavela stotina gramura, pherdi taimano

⁴⁵ ta iek telcho, iek busno, iek bakro iekhe burseko te den le kurbano phabardo,

⁴⁶ ta iek busno te del le kurbano pala o bilachipe,

⁴⁷ ta dui guruva, panch busne ta panch bakre iekhe bursenge. Gaia saia e ofrenda katar o Elisafat chaurro katar o Deuel.

⁴⁸ O eftato llive inllarda pi ofrenda o Elisama chaurro katar o amiud, birovi katar e vicha katar o Efrain.

⁴⁹ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁵⁰ ta iek rroi bari sunakuni kai phariavela stotina gramura, pherdi taimano

⁵¹ ta iek telcho, iek busno, iek bakro iekhe burseko te den le kurbano phabardo,

⁵² ta iek busno te del le kurbano pala o bilachipe,

⁵³ ta dui guruva, panch busne ta panch bakre iekhe bursenge. Gaia saia e ofrenda katar o Elisama chaurro katar o Amiud.

⁵⁴ O llive ojtoto inllarda pi ofrenda o Gamaliel chaurro katar o Pedasur, birovi katar e vicha katar o Manases.

⁵⁵ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁵⁶ ta iek rroi bari sunakuni kai phariavela stotina gramura, pherdi taimano

⁵⁷ ta iek telcho, iek busno, iek bakro iekhe burseko te den le kurbano phabardo,

⁵⁸ ta iek busno te del le kurbano pala o bilachipe,

⁵⁹ ta dui guruva, panch busne ta panch bakre iekhe bursenge. Gaia saia e ofrenda katar o Gamaliel chaurro katar o Pedasur.

⁶⁰ O llive iniango inllarda pi ofrenda o Abidan chaurro katar o Gidoni, birovi katar e vicha katar o Benjamin,

⁶¹ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁶² ta iek rroi bari sunakuni kai phariavela stotina gramura, pherdi taimano

⁶³ ta iek telcho, iek busno, iek bakro iekhe burseko te den le kurbano phabardo,

⁶⁴ ta iek busno te del le kurbano pala o bilachipe,

⁶⁵ ta dui guruva, panch busne ta panch bakre iekhe bursenge. Gaia saia e ofrenda katar o Abidan chaurro katar o gidoni.

⁶⁶ O llive desengo inllarda pi ofrenda o Ajiezer chaurro katar o Amisadai, birovi katar e vicha katar o Dan.

⁶⁷ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁶⁸ ta iek rroi bari sunakuni kai phariavela stotina gramura, pherdi taimano

⁶⁹ ta iek telcho, iek busno, iek bakro iekhe burseko te den le kurbano phabardo,

⁷⁰ ta iek busno te del le kurbano pala o bilachipe,

⁷¹ ta dui guruva, panch busne ta panch bakre iekhe bursenge. Gaia saia e ofrenda katar o Ajiezer chaurro katar o Amisadai.

⁷² O llive desuiek inllarda pi ofrenda o Pajiel chaurro katar o Okran, birovi katar e vicha katar o Aser.

⁷³ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁷⁴ ta iek rroi bari sunakuni kai phariavela stotina gramura, pherdi taimano

⁷⁵ ta iek telcho, iek busno, iek bakro iekhe burseko te den le kurbano phabardo,

⁷⁶ ta iek busno te del le kurbano pala o bilachipe,

⁷⁷ ta dui guruva, panch busne ta panch bakre iekhe bursenge. Gaia saia e ofrenda katar o Pajiel chaurro katar o Okran.

⁷⁸ O llive desudui inllarda pi ofrenda o Aira chaurro katar o Enan, birovi katar e vicha katar o Neftali

⁷⁹ Leki ofrenda saia iek tepsia rupuni kai phariavela kila ta dopas prema sai phariadol ando santuario ta iek taso baro rupuno kai phariavela efta stotine ta eftavardes gramura, e dui pherde katar e mai lachi arina cherdi e zeitinoia,

⁸⁰ ta iek rroi bari sunakuni kai phariavela stotina gramura, pherdi taimano

⁸¹ ta iek telcho, iek busno, iek bakro iekhe burseko te den le kurbano phabardo,

⁸² ta iek busno te del le kurbano pala o bilachipe,

⁸³ ta dui guruva, panch busne ta panch bakre iekhe bursenge. Gaia saia e ofrenda katar o Aira chaurro katar o Enan.

⁸⁴ Gaia si e ofrenda kai die e birovura katar o Israel, kana santifikisarde o altar, o llive kai thode zeitino pe lete: desudui tepsie rupune, desudui tasura bare rupune ta desudui rroia bare sunakune.

⁸⁵ Suako tepsia phariavela iek kila ta dopas, prema sar phariadol ando santuario.

⁸⁶ E desudui roia phariavena stotina gramura suako iek, prema sar phariadol ando santuario, ta sa o sunakai katar e roia phariavena iek kila ta dui stitine gramura.

⁸⁷ E zivirinie kai diepe kurbano phabarde sea desudui telchura, desudui busne, desudui bakre iekhe burseke, ta i e ofrende katar e septelie, ta desudui busne kurbano pala o bilachipe.

⁸⁸ E zivirinie kai diepe kurbano pala e pas sea bis ta star telchura, sovardes busne, ta aver sovardes busne ta sovardes bakre iekhe burseke. Gala si e ofrende kana santifikisarde o altar, mapalal kana thode o zeitino pe lete.

⁸⁹ Kana o Moises dia ande chara kai chidiniaon te sai molilpe e Devleke, asunda kai o Del dela orba lea upral katar o propisiatorio kai saia upral pe arka katar e alava, maskar e dui kerubinura ta dela orba lea.