Numeros 34 - Biblia ande chib Romani

Kai resel e phuv

¹ O del dia orba e Moisesea ta phenda leke:

² Phen gala alava te cheren e israelita: Oma tumen ka den ande phuv katar o Kanaan. Gaia si e phuv kai ka avel tumari llik kai resela:

³ E phuv ka resel llik po pusto katar o Zin ta e phuv katar o Edom. Katar likel o kham ka resel llik ando sur katar o Mora e Londi,

⁴ ta ka resel ando sur llik kai e dron vazdino katar o Akrabim, ka nakhel katar o Sin ta ka resel llik ando Kades Barnea ta i ka resel ando Jasar Adar llik kai o Asmon,

⁵ ta katar o Asmon ka resel llik kai o pai katar o Ejipto ta ka resel llik katar likhel o kham.

⁶ E phuv katar likel o kham ka resel llik kai e mora e bari.

⁷ A e phuv kai si ando norte ka resel katar e mora e bari sa orta llik kai o burdo Or.

⁸ Ta llik katar delpe ando Jamat, ta llik kai o Sedad.

⁹ Katar o Sedad ka resel llik ando norte chak ando Zifron ta ka resel llik ando Jasar Enan.

¹⁰ E phuv katar likel o kham ka avel katar o Jasar orta llik kai o Sefam.

¹¹ Ta katar o Sefan llik kai o Ribla katar likel o kham katar o Ain. Ta e phuv ka fuliel katar likelo kham katar o pai kineret,

¹² ta ka resel katar o pai katar o Josdan lligo ni ka avel kai e mora e moli. Gava si chak kai ka resel tumari phuv.

Fulaven e phuv

¹³ O Moises phenda gala alava te cheren e israelita: Gaia si e phuv kai ka fulaven tumenge prema sar perela suako llene, gaia si e phuv kai o Del phenda te delpe e inia vichenge ta dopas kai achen,

¹⁴ soke dui viche ta dopas kai si katar e vicha katar o ruben ta katar o Gad ta e dopas vicha katar o Manases von ia lie peke phuv.

¹⁵ Dui viche ta dopas ia lie peke phuv pe gaia rig katar o Jordan angla o Jeriko katar likel o kham.

¹⁶ O del dia orba e Moisesea ta phenda leke:

¹⁷ Ko ka fulavel e phuv maskar tumende si opopo Eleazar ta o Josue chaurro katar o Nun.

¹⁸ Ta i ikharen iekhe birove katar suako vicha, te sai fulaven e phuv.

¹⁹ Gala si e anava katar e llene kai si te ikharen: Katar e vicha katar o Juda: O Kaleb, chaurro katar o Jefune.

²⁰ Katar e vicha katar o Simeon: O Samuel, chaurro katar o Amijud.

²¹ Katar e vicha katar o Benjamin: O Elidad, chaurro katar o Kislon.

²² Katar e vicha katar o Dan: O birovi o Buki, chaurro katar o Jogli.

²³ Katar e chaurre e Joseke katar e vicha katar o Ruben: O birovi o Janiel, chaurro katar o Efod,

²⁴ katar e vicha katar e chaurre katar o Efrain o birobi o Kemuel, chaurro katar o Siftan.

²⁵ Katar e vicha katar e chaurre katar o Zabulon: O birovi o elisafan, chaurro katar o Parnak.

²⁶ Katar e vicha katar e chaurre katar o Isakar: O Paltiel, chaurro katar o Azan.

²⁷ Katar e vicha katar e chaurre katar o Aser: O birovi o Ajijud, chaurro katar o Selomi.

²⁸ Katar e vicha katar e chaurre katar o Neftali: O birovi o Pedajel, chaurro katar o Amijud.

²⁹ Gale llenen thoda o Del te fulaven e phuv katar o Kanaan maskar e israelita.