Numeros 27 - Biblia ande chib Romani

E chorra katar o Selofejad

¹ Ande vicha katar o Manases sea panch phiorra, kai ikhardona Majla, Noa, Jogla, Milka ta e Tirsa. Von sea chorra katar o Selofjad

² Gala panch phiorra llele kai o udar katar e chara kai chidiniaon te sai den orba e Moisesea ta e Eleazarea ta e birovenchar katar o foro ta e foroia ta phende:

³ amaro dad mulo po pusto a vou ni saia katar e llene katar o Kore kai vazdinaile po Del. Vou mulo isto katar po bilachipe ta ni avilale chaurre murus.

⁴ A inai sukar o anav amare dadeko te jasaol katar pi familia samo soke ni saia le iek chaurro murus. De amen iek kotor phuv maskar e phlal amare dadeke.

⁵ O Moises anda angla o Del gaia orba katar gala diskinie,

⁶ ta o Del phenda:

⁷ Sukar phenen e chorra katar o Zelofejad: Chinav lenge iek kotor phuv maskar e phlal lenge dadeke ta so pherela lenge dade te den len lenge.

⁸ Ta phen e israelenge kai vareko te merela ta te na avela le chaurro murus so si le ka avel leke chorrake,

⁹ A te na avela le chorri, ka mukel so si le pe phlalenge.

¹⁰ A te na avela le phlal, ka mukel so si le kai e phlalen pe dadeke.

¹¹ A te avilape kai lako dad ni avila le phlal, ka mukel so si le pe familiake kai si mai pase ratea. Gava ka avel iek zakono e israelenge, gia sar me phendem chuke te chere.

O Josue achel po than katar o Moises

¹² O Del phanda e Moiseseke: Like pe gava burdo kai ikhardo Abarin ta dik e phuv kai diem e israelen.

¹³ Ta kana ka dikhe goia phuv ka mere ta ka ave chidino che foroia,

¹⁴ soke tumen dui ni kandiem man so phendem tumenge po pusto katar o Sin kana o forovazdinailo pe mande ta ni blagosisarden man angla o foro kana von mangle mandar pai. Gala paia katar e Meriba si ande Kades, po pusto katar o Sin.

¹⁵ Ondaka o Moises phenda e Devleke:

¹⁶ Devla ta Gazda po duo kai zivil ande suako manus thov upral pe gava foro iekhe llene

¹⁷ te llal angla lende ta de ta te del angla lende ta te inllarel len pe suako rig, gia te na aven sargo bakre kai inai len chobano.

¹⁸ A o Del phenda e Moiseseke: Josue chaurro katar o Nun, si iek lleno duoko. Le le ta thov che va pe leko soro.

¹⁹ Mapalal ka ane le kai o popo Eleazar ta angla sa o foro ta ka dele gava rado angla lende.

²⁰ Ta ka thove le tuia te gazdaril gia te sai kandel le sa o Israel.

²¹ A o Josue morabi te avel angla o popo Eleazar ta o e leasar ka puchel man ando anav e josueko ta ka phenav so si te cheren katar o Orim. O Josue ka phenel e israelenge sa so si te cheren.

²² O Moises cherda sa so o Del phenda leke te cherel. Lia e Josue ta anda le kai o popo Eleazar ta angla sa o foro.

²³ Thoda pe va pe leko soro ta dia gava rado, gia sar o Del phendaia e Moiseseke te cherel.