Numeros 26 - Biblia ande chib Romani

O llindipe katar o foro ando Moab

¹ Mapalal katar goia muka kai mundarela, o Del phenda e Moiseseke ta e Eleazareke, chaurro katar o popo Aaron:

² Llinen e llenen prema pe familie, sa e israelite kai si lenge bis burs upre, kai sai llan te marenpe.

³ Ondaka o Moises ta o Eleazar phende e israelenge ande umal katar o Moab pasa o pai katar o Jordan, angla o Jeriko,

⁴ te llindon sa e llene kai si lenge bis burs upre, gia sar o Del phendaia e Moiseseke te cherel. Gala sea e israelita kai likistea katar o Ejipto:

⁵ E chaurre katar o Ruben, o chaurro mai purano katar o Israel, sea katar o Enok, o Falu,

⁶ o Esron ta o Karmi.

⁷ Prema o llindipe katar e familia katar o Ruben sea trin milie ta efta stotine ta tranda llene.

⁸ Katar o Falu biandilo o eliab,

⁹ ta katar o eliab biandile o Nemuel, o Datan ta o Abiram. O Datan ta o Abiram sea gola katar e llene kai chinena kris, ta e Korea vazdinaile po Moises ta po Aron kana vazdinaile po Del.

¹⁰ Kana e phuv putaili ta nakhada len ta e Kore, kana gola llene mule, kana e iag mundarda dui stotine ta pinda llenen gava avilape te sai sikon ogola llene.

¹¹ A e chaurre katar o Kore ni mule.

¹² E familie katar o Simeon sea gala o Nemuel, o Jamin o Jakin,

¹³ o Zera ta o Esau.

¹⁴ Prema o llindipe katar e familia katar o Simeon sea bis ta dui milie ta dui stotine llene.

¹⁵ E familie katar o Gad sea katar o Sefon o agi, o Suni

¹⁶ o Ozni, o Eri,

¹⁷ o Arod ta o Areli.

¹⁸ Prema o llindipe e familie katar o Gad sea saranda milie ta panch stotine llene.

¹⁹ Katar e chaurre katar o Juda, mule o Er ta o Onan ande phuv katar o Kanaan,

²⁰ goleke e falie katar o Juda sea katar o Sela, o Fares ta o Zera.

²¹ E familie katar o Fares sea katar o Esron ta o Amul.

²² Prema o llindipe e familie katar o Juda sea eftavardes ta sov milie ta panch stotine llene.

²³ E familie katar o Isakar sea katar o Tola, o Puva

²⁴ o Jasub ta o Simron.

²⁵ Prema o llindipe e familie katar o Isakar sea sovardes ta star milie ta trin stotine llene.

²⁶ E familie katar o Zabulon sea katar o Sered, o Elon ta o Jajleel.

²⁷ Prema o llindipe e familie katar o Zabulon sea sovardes ta panch stotine llene.

²⁸ E familie katar o Jose sea katar e viche katar o Manases ta o Efrain.

²⁹ Katar o Manases e familie katar o Makir. Katar o Makir, e familie katar o Galaad.

³⁰ Katar o Galaad e familie katar o Leser, ta o Jelek,

³¹ katar o Asriel katar o Sikem,

³² katar o Semida ta katar o Jefer.

³³ O Selofad, kai saia chaurro katar o Jefer, ni saia le chaurre samo chora, kai ikhardona Majla, Noa, Jogla, Milka ta Tirsa.

³⁴ Prema o llindipe e familie katar o Manases sea pinda ta dui milie ta efta stotine llene.

³⁵ E familie katar o Efrain sea katar o sutelaj, o Beker ta o Tajan.

³⁶ O porodo katar o Sutela sea katar e familia katar o Eran.

³⁷ Prema o llindipe e familie katar o Efrain sea tranda ta dui milie ta panch stotine llene. Gava si o porodo e Joseko prema e familie.

³⁸ E chaurre katar o Benjamin ta leke familie sea: O Bela, o Asbel, o Ajiram,

³⁹ o Sufam ta o Jufam.

⁴⁰ E familie katar e chaurre katar o Bela sea katar o Ar ta o Naaman, chaurre katar o Bela.

⁴¹ Gala si e chaurre katar o Benjamin prema pe familie ta sea saranda ta panch milie ta sov stotine llene.

⁴² E chaurre katar o Dan sea katar e familia katar o Sujam.

⁴³ Prema o llindipe e familie katar o sujam sea sovardes ta star milie ta star stotine llene.

⁴⁴ E chaurre katar o Aser katar pe familie sea o ima, o Isvi ta o Beria.

⁴⁵ E chaurre katar o Beria sea o Jeber ta o Malkiel.

⁴⁶ O aser saiale iek chorri, kai ikhardala Seraj.

⁴⁷ Prema o llindipe e falie katar o Aser sea pinda ta trin milie ta star stotine llene.

⁴⁸ E chaurre katar o Neftali sea o Jajeel, o Guni,

⁴⁹ o Jezer ta o Silem.

⁵⁰ Prema o llindipe e familie katar o Neftali sea saranda ta panch milie ta star stotine llene.

⁵¹ Sa israelita kai sea llinde po llindipe sea sov stotine ta milia ta efta stotine ta tranda llene.

O Zakono sar te fulaven e phuv

⁵² O del dia orba e Moisesea ta phenda leke:

⁵³ Maskar gala llene ka avel fuladi e phuv, prema e llene kai sea llinde.

⁵⁴ Gola kai si mai but ka de len mai but phuv. A e gola kai si mai cherra llene ka delen mai cherra phuv. A suako llenen ka del pe e phuv prema o llindipe.

⁵⁵ O fuladipe e phuviako ka cherdol pe ka perela suako lleno ka perel le prema katar savi vicha si katar e rig pe dadiki.

⁵⁶ Ka fuladol pe ka pherela maskar gola kai si mai but o maskar gola kai si mai cherra.

O llindipe katar e vicha katar e Levita

⁵⁷ E familie llinde katar e vicha katar e levita si gala: O Gerson, o Kejaar ta o Merari.

⁵⁸ E familia katar o libnita, o jebronita, o majlita, o musita ta e koreita, sea familie katar e levita. O Kejad saia o dad katar o Amram.

⁵⁹ O Amram zinisailo iekhe chorraia katar o Levi kai ikhardola Kojabed, kai biandili kana o Levi saia ando Ejipto. O Amram ta e Jokabed sea e dada katar o Aaron o Moises ta katar e Maeia.

⁶⁰ E chaurre katar o Aaron sea o Nadab o Abiu o eleasar ta e Itamar

⁶¹ Nadab ta o Abiu mule kana die angla o Del iek iag kai inai pinllardi.

⁶² Sa e llene kai sea llinde katar e levitura, katar iek chon upre sea bista trin milie. Von ni sea llinde ogole israellenchar soke len ni diea ni iek phuv.

⁶³ Gala si e israelita kai sea llinde katar o Moises ta katar o popo Eleazar ande umalia katar o Moab, pasa o Jordan angla o Jeriko.

⁶⁴ Maskar sa gala llene ni iek ni saia katar gola kai o Moises ta o Aaron llindea po pusto katar o Sinai,

⁶⁵ Soke o Del phendaia lenge kai ka meren po pusto ta ni achila ni iek lleno lendar samo o Kaleb chaurro katar o Jefone ta o Josue chaurro katar o Num.