Numeros 25 - Biblia ande chib Romani

E israelita blagosin o el kai ikhardol Baal Peor

¹ Kana e israelita besena ando Sitin, o foro thoda te kurvilpe e diskinienchar katar o Moab,

² ta gola diskinie ikharena e foro kana dena kurbanura pe devlen. Ta o foro jala katar gua jape ta die changa angla lenge dela.

³ Ta sar von llana kai gua del kai ikhardol Baal Peor. Ondaka o Del jolailo e israelenchar,

⁴ ta phenda e Moiseseke: Chide sa e biroven katar o foro, ta mundar len angla ma ollivesea. Gia ka achel mi joli kai siman po Israel.

⁵ Ondaka o Moises phenda e llenenge kai krisin po Israel: Suako lleno tumendar morabi te mundarel e llenen katar e vicha kai llele te blasin e dele kai ikhardol Baalpeor.

⁶ A iek israelita inllarda peke iekhe diskinia madianita, angla e akha e Moiseseke ta sa e foroke kana sea chidine, kana saurre rovena kai o udar katar e chara kai chidiniaon.

⁷ Kana dikhla gava, o Finiees, chaurro katar o Eleazar unuko katar o Aaron, ustilo maskar e israelita ta lia iek jarni ande po va

⁸ ta llelotar pala gua israelita llik kai leki chara ta kote nakhada o jarni ande dui ando israelita ta ande lluvli. Ta gia si sar achila e muka kai mundarela e israelen.

⁹ Ta katar goia muka mulea bis ta star milie israelita.

¹⁰ Ondaka o Del dia orba e Moisesea ta phenda leke:

¹¹ O Finees cherda te phagol mi joli pe israelitura, soke i vou ni mukel te blagosin avere delen goleke ni zatrisardem len,

¹² goleke phen lenge kai me achav lea pe iek orba kai si katar e pas,

¹³ goleke me dav le ta leke porodo te aven popura ostade, soke sikada kai volil man ta lia o prostipe e israelenge.

¹⁴ O anav katar israelita kai mundarde le diskiniaia Madianita saia o Simri ta saia chaurro katar o Salu birovi katar e familia katar e vicha katar o Simeon.

¹⁵ O anav katar diskinia Madianita saia Kosbi ta saia chorri katar o Sur, birovi katar nesave familie katar o Madian.

¹⁶ O Del dia orba e Moisesea ta phenda leke:

¹⁷ Marentumen ta zatrin gole llenen kai si katar e Madianita,

¹⁸ gia sar von mardepe tumenchar bilachamaia ta cherde te blagosin e devle kai ikhardo Baal Peor ta sar e Kosbi chorri katar o birovi katar e Madianita kai saia mundardi iekhe jarniea kana me bichaldem iek muka soke blagosina e devle kai ikhardol Baal Peor.