Numeros 1 - Biblia ande chib Romani

Llindol o Israel ando Sinai

¹ O purvo llive katar o duito chon katar o duito burs, kana cherela burs ta chon llive sar kai likistea katar o Ejipto, o Del dia orba e Moisesea po pusto katar o Sinai, ande chara kai chidiniaon e Devlea, ta phenda leke:

² Morabi te llinen sa e llenen katar o Israel, sa e viche, ta sa e familie te sai llangliolpe e anava ta gachin llene si.

³ O Aaron ta tu ka llinen sa e llenen katar o Israel bise bursenge upre kai sai liken te marenpe, prema katar si.

⁴ Tumenchar ka avel iek lleno katar suako vicha kai si birovi katar pi familia.

⁵ Gala si e anava katar e llene kai ka aven tumenchar te pomozin tumen: Katar e vicha katar o Ruben, o Elisur chaurro katar o Sedeur.

⁶ Katar o Simeon, o Selumiel chaurro katar o Surisadai.

⁷ Katar o Juda, o Naason chaurro katar o Aminadad.

⁸ Katar o Isakar, o Natanael chaurro katar o Suar.

⁹ Katar o Zabulon, o Eliab chaurro katar o Jelon.

¹⁰ Katar e viche e Joseeke: Katar o Efrain, o Elisama chaurro katar o Amiud. Katar o Manases, o Gamaliel chaurro katar o Pedasur.

¹¹ Katar o Benjamin, o Abidan chaurro katar o Gidoni.

¹² Katar o Dan, o Ajiezer chaurro katar o misadai.

¹³ Katar o Aser, o Pagiel, chaurro katar o Okran.

¹⁴ Katar o Gad, o Eliasaf chaurro katar o Deuel.

¹⁵ Katar o Neftali, o Ajira chaurro katar o Enan.

¹⁶ Gala si e gazda katar e viche kai sea esvirime, e kapitanura e milinge maskar e israelitura.

¹⁷ Ondaka o Moises ta o Aaron lie gale llenen kai sea thode prema lenge anava.

¹⁸ Ta chidie sa e llenen o llive o purvo katar o chon o duito, chidie len prema lenge viche ta prema lenge anava sa e llenen kai saia lenge mai but katar e bis burs,

¹⁹ gia sar o Del phendaia e Moiseseke te cherel le, llinda len po pusto katar o Sinai.

²⁰ Katar e chaurre katar o Ruben, o mai purano katar o Israel, sea llinde sa e llene kai sea lenge mai but katar e bis burs kai sai llana te marenpe. Suako lleno prema po anav, ta pi vicha ta pi familia.

²¹ E llene kai sea llinde katar e vicha katar o Ruben sea saranda ta sov milie ta panch stotine.

²² Katar e vicha katar o Simeon, sea llinde sa e llene prema lenge anava kai saia lenge mai but katar e bis burs, kai sai llana te marenpe.

²³ E llene kai sea llinde katar e vicha katar o Simeon sea pinda ta inia milie ta trin stotine.

²⁴ E llene kai sea llinde katar e vicha katar o Gad sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

²⁵ E llene kai sea llinde katar e vicha katar o Gad sea saranda ta panch milie ta sov stotine ta pinda.

²⁶ E llene kai sea llinde katar e vicha katar o Juda sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

²⁷ E llene kai sea llinde katar e vicha katar o Juda sea eftavardes ta star milie ta sov stotine.

²⁸ E llene kai sea llinde katar e vicha katar o Isakar sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

²⁹ E llene kai sea llinde katar e vicha katar o Isakar sea pinda ta star milie ta star stotine.

³⁰ E llene kai sea llinde katar e vicha katar o Sabulon sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³¹ E llene kai sea llinde katar e vicha katar o Zabulon sea pinda ta efta milie ta star stotine.

³² E llene kai sea llinde katar e vicha katar o Jose ta katar o Efrain sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³³ E llene kai sea llinde katar e vicha katar o Efrain sea saranda ta panch stotine milie.

³⁴ E llene kai sea llinde katar e vicha katar o Manases sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³⁵ E llene kai sea llinde katar e vicha katar o Manases sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³⁶ E llene kai sea llinde katar e vicha katar o Benjamin sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³⁷ E llene kai sea llinde katar e vicha katar o Benjamin sea tranda ta panch milie ta star stotine.

³⁸ E llene kai sea llinde katar e vicha katar o Dan sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

³⁹ E llene kai sea llinde katar e vicha katar o Dan sea sovardes ta dui milie ta efta stotine.

⁴⁰ E llene kai sea llinde katar e vicha katar o Aser sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

⁴¹ E llene kai sea llinde katar e vicha katar o Aser sea saranda ta iek milia ta panch stotine.

⁴² E llene kai sea llinde katar e vicha katar o Neftali sea llinde prema lenge anava, sa e llene kai sea lenge mai but katar e bis burs kai sai llana te marenpe. Suako lleno prema pi vicha ta pi familia.

⁴³ E llene kai sea llinde katar e vicha katar o Neftali sea pinda ta trin milie ta star stotine.

⁴⁴ Gala si kai llinda o Moises ta o Aaron, e desudui gasdenchar katar o Israel, iek katar suako vicha.

⁴⁵ Sa e llene katar o Israel kai saia lenge mai but katar e bis burs, kai sea llinde prema pi vicha kai sai llana te marenpe.

⁴⁶ E llenen kai llinde sea sov stotine ta trin milie ta panch stotine ta pinda.

E levitura ta lengo rado

⁴⁷ E levitonen ni llinde len maskar lende prema e vicha lenge dadengi,

⁴⁸ soke o Del phendaia e Moiseseke:

⁴⁹ Kana ka lline e israelen, na llin maskar lende e vicha katar e levitura.

⁵⁰ Len morabi te thove len te radin ande chara katar e alava, ta ande lengo va te muke sa e ezgode. Von ka inllaren e chara e Devleki ta sa ezgode ta von ka thoven pe chare truial katar e chara e Devleki,

⁵¹ a kana e chara e Devleki ka muchilpe, von si kai ka peraven la ta kana von ka achen te loden, von si kai ka vazden la pale. A vareko kai inai katar e vicha katar e levitura te avela pase, ka chindol gole lleneke te merel.

⁵² A e israelitura ka inzaren pe chare sargo e llene kai llan te marenpe, suako lleno ande piro pero, ta suako lleno pasa piro bariako.

⁵³ A e levitura ka inzaren pe chare truial katar chara e alavengi, te na avel e joli e Devleki pe israelitura.

⁵⁴ E israelitura cherde sa sar o Del phendaia e Moiseseke te cheren, ta gia cherde le.