Nejemias 7 - Biblia ande chib Romani

Nejemias thovel llenen te gazdarin

¹ Kana o zido achilo vazdino ta thode e udara, thode llenen te arakhen e udara, llenen kai llilaben ta levitura.

² Thodem te gazdaril ando Jerusalem me phlale e Jananie, ta e Jananiase te gazdaril ando forichi, soke saia iek lleno ta darala katar o Del mai but neko nisavo lleno.

³ Phendem lenge te na putaren e udara katar o Jerusalem lligo ni tatarela o kham, ta te phanden e udara ta te aven kote e llene kai arakhena len. Ta i thodem llenen isto katar o foro te prezon ta te arakhen, nesave pe po vreme a aver isto angla pe chera.

⁴ O foro saia baro a ni sea but llene andre soke e chera sea phage ta ni lachardea len.

E llene kai irisaile katar o pusto

⁵ Ondaka o Del thoda ande mo lio te chidav e mai glamne llenen, e llenen kai gazdarin ta e llenen katar o foro, te llindol e llenen kai si familia ta kai avilea omanglal. Ta ande gua lil phenela gia:

⁶ Gala si e llene kai o charo Nabukodonosor inllarda len phangle ande Babilonia, ta mapalal irisaile ando Jerusalem ta ande aver forura katar o Juda, suako lleno ande po foro.

⁷ Angla lende llala o Zorobabel, o Josue, o Nejemias, o Azarias, o Raamias, o Najamani, o Mardokeo, o Bilsan, o Misperet, o Bigvai, o Nejum, ta o Baana. Gala si e llene katar o Israel:

⁸ O porodo katar o Paros, diu milie ta stotina ta eftavardes ta dui,

⁹ katar o Sefatias, trin stotine ta eftavardes ta dui,

¹⁰ katar o Ara, sov stotine ta pinda ta dui,

¹¹ katar o Pajat Moab, kai sea o porodo katar o Josue ta i katar o Joab, dui milie ta ojto stotine ta desojto,

¹² katar o Elam, milia ta dui stotine ta pinda ta star,

¹³ katar o Zatu, ojto stotine ta saranda ta panch,

¹⁴ katar o Zakai, efta stotine ta sovardes,

¹⁵ katar o Binui, sov stotine ta saranda ta ojto,

¹⁶ katar o Bebai, sov stotine ta bis ta ojto,

¹⁷ katar o Azgad, dui milie ta trin stotine ta bis ta dui,

¹⁸ katar o Adonikam, sov stotine ta sovardes ta efta,

¹⁹ katar o Bigvai, dui milie ta sovardes ta efta,

²⁰ katar o Adin, sov stotine ta pinda ta panch,

²¹ katar o Ater, kai sea katar o porodo e Ezekiaseko, iniavardes ta ojto,

²² katar o Jasum, trin stotine ta bis ta ojto,

²³ katar o Besai, trin stotine ta bis ta star,

²⁴ katar o Jarif, stotina ta desudui,

²⁵ katar o Gabaon, iniavardes ta panch.

²⁶ E murusa katar o Belen ta katar o Netofa, stotina ta ojtovardes ta ojto,

²⁷ katar o Anatot, stotina ta bis ta ojto,

²⁸ katar o Bet Azmavet, saranda ta dui,

²⁹ katar o Kiriat Jearim, Kafira ta o Beerot, efta stotine ta saranda ta trin,

³⁰ katar o Rama ta katar o Geba, sov stotine ta bis ta iek,

³¹ katar o Mikmas, stotina ta bis ta dui,

³² katar o Betel ta katar o Ai, stotina ta bis ta trin,

³³ katar o Nebo, pinda ta dui.

³⁴ Katar o porodo katar o gua Elam, milia ta dui stotine ta pinda ta star,

³⁵ katar o Jarim, trin stotine ta bis,

³⁶ katar o Jeriko, trin stotine ta saranda ta panch,

³⁷ katar o Lod, katar o Jadid ta katar o Ono, efta stotine ta bis ta iek,

³⁸ katar o Senaa, trin milie ta inia stotine ta tranda.

³⁹ E popura katar o porodo e Jedaiaseko, katar e familia e Josueeki, inia stotine ta eftavardes ta trin,

⁴⁰ o porodo katar o Imer, milia ta pinda ta dui,

⁴¹ katar o Pasur, milia ta dui stotine ta saranda ta efta,

⁴² katar o Jarim, milia ta desefta.

⁴³ E levitura kai si porodo katar o Josue ta katar o Kadmiel, kai sea i porodo katar o Odavias, sea eftavardes ta star.

⁴⁴ Gola kai llilaben kai si porodo katar o Asaf, sea stotina ta saranda ta ojto.

⁴⁵ Gola kai arakhena e udara sea o porodo katar o Salum, katar o Ater, o Talmon, o Akub, o Jatita ta katar o Sobai. Saurre sea, stotina ta tranda ta ojto.

⁴⁶ E llene kai radina ando cher e Devleko sea o porodo katar o Zija, katar o Jasufa, katar o Tabaot,

⁴⁷ katar o Keros, katar o Siaa, katar o Padon,

⁴⁸ katar o Lebana, katar o Jgaba, katar o Salmai,

⁴⁹ katar o Jaran, katar o Gidel, katar Gajar,

⁵⁰ katar o Reaia, katar o Rezin, katar o Nekoda,

⁵¹ katar o Gazam, katar o Uza, katar o Pasea,

⁵² katar o Besaia, katar o Meunim, katar o Nefusim,

⁵³ katar o Bakbuk, katar o Jakufa, katar o Jarjur,

⁵⁴ katar o Bazlut, katar o Mejida, katar o Jarsa,

⁵⁵ katar o Barkos, katar o Sisara, katar o Tema,

⁵⁶ katar o Nezia, katar o Jatifa.

⁵⁷ O porodo katar e sluge katar o Salomon sea porodo katar o Sotai, katar o Soferet, katar o Perida,

⁵⁸ katar o Jaala, katar o Darkon, katar o Gidel,

⁵⁹ katar o Sefatias, katar o Jatil, katar o Pokeret Azebaim ta katar o Amon.

⁶⁰ E llene kai radina ando cher e Devleko ta o porodo katar e sluge katar o Salomon, saurre sea trin stotine ta iniavardes ta dui.

⁶¹ Sea aver llene kai avile ando Jerusalem kai sea katar o Tel Melaj, Tel Jarsa, katar o Kerub, katar o Adon, ta katar o Imer, kai nasti sikade kai lengi familia ta lengi vicha saia katar o Israel, gola llene sea gala:

⁶² E llene kai sea porodo katar o Delaias, katar o Tobias, katar o Nekoda, kai sea sov stotine ta saranda ta dui.

⁶³ A katar e familia katar e popura: O porodo katar o Jabaias, katar o Kos, ta katar o Barzilai, kai zinisailo iekhaia katar e chea katar o Barzilai, katar o Galaad, ta lia lengo anav.

⁶⁴ Gala llene rodie po anav ande lila katar e viche ta sar ni malade le kote, ikande len katar o rado e poponengo.

⁶⁵ Ta o Gazda katar o foro phenda lenge te na jan katar o jape kai si dino e Devleke lligo ni ka phenel iek popo so ka cheren prema o Urim ta o Tumim.

⁶⁶ Saurre sea saranda ta dui milie ta trin stotine ta sovardes llene,

⁶⁷ bi te llindon lenge sluge murusa ta lenge sluge diskinie kai sea efta milie ta trin stotine ta tranda ta efta llene ta llea. Ta maskar lende saia dui stotine ta saranda ta panch llene ta llea kai llilaben.

⁶⁸ Ta i saia len efta stotine ta tranda ta sov gra, dui stotine ta saranda ta panch grama garchura,

⁶⁹ star stotine ta tranda ta panch deve, ta sov milie ta efta stotine ta bis magarcha.

⁷⁰ Nesave gazda katar pe familie die ezgode e radoke, o gazda katar o foro dia kai o lleno kai arakhel e love ojto kile sunakai, pinda tasura bare ta panch stotine ta tranda fistanura poponenge.

⁷¹ E gazda katar e familie die kai o lleno kai arakhel e love e radoke, stotina ta eftavardes kile sunakai ta milia ta dui stotine ta des kile rup,

⁷² ta ogola llene katar o foro die stotina ta sovardes kile sunakai, milia ta stotina kile rup, ta sovardes ta efta fistanura poponenge.

⁷³ E popura, e levita, e llene kai arakhen e udara, e llene kai llilaben, e llene katar o foro, e llene kai radin ando cher e Devleko ta sa o Israel thodepe ande pe forura. Ando chon eftato, e israelitura sea ande pe forura.