Nejemias 11 - Biblia ande chib Romani

E llene kai zivina ando Jerusalem

¹ E gazda katar o foro achile ando Jerusalem, a ogola llene cheldepe te dikhen katar suako des llene savo ka zivil ando Jerusalem, o foro santo, a ogola inia te achen ande forura.

² Ta e llene katar o foro blagosisarde sa gole llenen kai isto von petar mangle te zivin ando Jerusalem.

³ Gala si e gazda katar e phuv kai zivisarde ando Jerusalem ta ande forura katar o Juda. Suako iek gazdarisarda ande po foro, e israelitura, e popura ta e levitura ta e llene kai radina ando cher e Devleko ta e chave katar e sluge katar o Salomon.

⁴ Ando Jerusalem zivisarde nesave llene katar o porodo e Judaeko ta katar o porodo e Benjamineko. Katar o porodo e Judaeko: O Ataias chavo katar o Uzias, chavo katar o Zakarias, chavo katar o Amarias, chavo katar o Sefatias, chavo katar o Maalaleel, katar e chave e Fareseke,

⁵ ta o Maaseias chavo katar o Baruk, chavo katar o Koljoze, chavo katar o Jazaias, chavo katar o Adaias, chavo katar o Joiarib, chavo katar o Zakarias, chavo katar o Siloni.

⁶ Sa o porodo katar o Fares kai zivisarde ando Jerusalem sea star stotine ta sovardes ta ojto murusa zurale.

⁷ Gava si o porodo katar o Benjamin: o Salu chavo katar o Mesulam, chavo katar o Joed, chavo katar o Pedaias, chavo katar o Kolaias, chavo katar o Maaseias, chavo katar o Itiel, chavo katar o Jesaias.

⁸ Ta i o Gabai ta o Salai kai sea katar leki familia, sa o porodo katar o Benjamin sea: Inia stotine ta bis ta ojto.

⁹ Ta o Joel chavo katar o Zikri saia lengo gazda, a o Juda chavo katar o Senua saia o duito gazda ando foro.

¹⁰ Katar e popura saia: O Jedaias chavo katar o Joiarib Jakin,

¹¹ o Seraias chavo katar o Jilkias, chavo katar o Mesulam, chavo katar o Sadok, chavo katar o Meraiot, chavo katar o Ajotob, gazda katar o cher e Devleko,

¹² ta lenge phlal, gola kai radina ando cher e Devleko sea: O jto stotine ta bis ta dui, ta o Jeroam, chavo katar o Pelalias, chavo katar o Amsi, chavo katar o Zakarias, chavo katar o Pasur, chavo katar o Malkias,

¹³ ta leke phlal, gazda katar e familia sea: Dui stotine ta saranda ta dui, ta o Amasai chavo katar o Asareel, chavo katar o Asai, chavo katar o Mesilemot, chavo katar o Imer,

¹⁴ ta leke phlal, murusa but vrene sea: Stotine ta bis ta ojto, ta lengo gazda saia o Zabdiel chavo katar o Gedolim.

¹⁵ Katar e levitura: O Semaias chavo katar o Asub, chavo katar o Azrikam, chavo katar o Jasabias, chavo katar o Buni,

¹⁶ o Sabetai ta o Jozabad, katar e gazda katar e levitura kai gazdarina po rado avri katar o cher e Devleko,

¹⁷ ta o Matanias chavo katar o Mikaia, chavo katar o Zabdi, chavo katar o Asaf, o purvo kai llilabela ta kai dela fala e Devle kana molinape, o Bakbukias o duito maskar pe phlal, ta o Abda chavo katar o Samua, chavo katar o Galal, chavo katar o Jedutun.

¹⁸ Sa e levitura ando santo foro sea: Dui stotine ta ojtovardes te star.

¹⁹ O Akub o Talmon ta leke phlal, kai arakhena e udara sea: Stotina ta eftavardes ta dui.

²⁰ Ta sa ogola llene katar o Israel, katar e popura ta katar e levitura achile ande sa e forura katar o Juda, suako lleno ande so saia leko.

²¹ E llene kai radina ando cher e Devleko zivina ando Ofel, ta ando Sija ta ando Gispa ta gazdarina pe llene kai radina ando cher e Devleko.

²² A o gazda katar e levitura ando Jerusalem saia o Uzi chavo katar o Bani, chavo katar o Jasabias, chavo katar o Matanias, chavo katar o Mikaia, katar e chave e Asafateke kai lengo rado saia te llilaben ando cher e Devleko.

²³ Soke saia iek zakono katar o charo kai phenela cheres lende, ta ko ka llilabel suako llive.

²⁴ Ta o Petajias chavo katar o Mesezabeel, kai saia katar o porodo e Zerajeko chavo e Judaeko, radila e charoke ande suako buchi kai cherdol ando foro.

Aver forura avri katar o Jerusalem

²⁵ Nesave llene katar e vicha e Judaeki zivisarde ando Kiriat Arba ta ande leke forichura, ando Dibon ta leke forichura, ando Jakabseel ta leke forichura,

²⁶ ando Jesua, ando Molada ta ando Bet Pelet,

²⁷ ando Jazar Sual, ando Berseba ta ande leke forichura,

²⁸ ando Siklag, ando Mekona ta leke forichura,

²⁹ ando En Rimon, ando Zora, ando Jarmut,

³⁰ ando Zanoaj, ando Adulam ta ande leke forichura, ando Lakis ta lake phuvia, ando Azeka ta leke forichura. Ta zivisarde katar o Berseba llik kai e bari umal katar o Geinom.

³¹ Ta e vicha katar o Benjamin zivisarde ando Geba, ando Mikmas, ando Aia, ando Betel ta ande leke forichura,

³² ta i ando Anatot, ando Nob, ando Ananias,

³³ ando Jazor, ando Rama, ando Gitaim,

³⁴ ando Jadid, ando Seboim, ando Nebalat,

³⁵ ando Lod, ando Ono, e bari umal katar e llene kai cheren sukar ezgode.

³⁶ Ta nesave levitura lleletar katar o Juda ande phuv katar e vicha e Benjamineki.