Nejemias 10 - Biblia ande chib Romani

¹ Gala si e llene kai thode pe anava po lil: Me, o Nejemias, chavo katar o Jakalias, kai sema o gazda katar o foro, o Sedekias,

² o Seraias, o Azarias, o Jeremias,

³ o Pasjur, o Amarias, o Malkias,

⁴ o Jatus, o Sebanias, o Maluk,

⁵ o Jarim, Meremot, o Abdias,

⁶ o Daniel, o Gineton, o Baruk,

⁷ o Mesulam, o Abias, o Mijamin,

⁸ o Maasias, o Bilgai ta o Semaias. Von sea popura.

⁹ E levitura sea: O Josue, chavo katar o Azanias, o Binui, kai saia porodo katar o Janadad ta o Kadmiel,

¹⁰ ta lenge phlal, o Sebanias, o Odias, o Kelita, o Pelaias, o Janan,

¹¹ o Mikaia, o Rejob Jasabias,

¹² o Zakur, o Serebias, o Sebanias,

¹³ o Odias, o Bani ta o Beninu.

¹⁴ E gazda katar e phuv sea: O Paros, o Pajat Moab, o Elam, o Zatu, o Bani,

¹⁵ o Binui, o Azgad, o Bebai,

¹⁶ o Adonias, o Bigvai, o Adin,

¹⁷ o Ater, o Ezekias, o Azur,

¹⁸ o Odias, o Jasum, o Besai,

¹⁹ o Jarif, o Anatot, o Nebai,

²⁰ o Magpias, o Mesulam, o Jesir,

²¹ o Mesezabel, o Sadok, o Jadua,

²² o Pelatias, o Janan, o Anaias,

²³ o Oseas, o Jananias, o Jasub,

²⁴ o Alojes, o Pilja, o Sobek,

²⁵ o Rejum, o Jasabna, o Maseias,

²⁶ o Ajias, o Janan, o Anan,

²⁷ o Maluk, o Jarim ta o Baana.

O foro del po alav e Devle pe aver ezgode

²⁸ A ogola llene katar o foro, ta e popura, e levitura, gola kai arakhen e udara, gola kai llilaben, gola kai radin ando cher e Devleko, ta sa gola kai fuladile katar e llene katar gaia phuv te cheren so phenel o zakono e Devleko, pe rromienchar ta pe chaurrenchar ta pe chorrenchar kai si lenge mai but katar e desudui burs,

²⁹ chidinaile pe familiaia ta pe gazdenchar, te jan sovel kai ka llan prema o zakono e Devleko kai dia kai po sluga o Moises te del lende, ta kai ka cheren chachimaia sa e alava, o sikadipe ta e zakonura katar amaro Gazda o Del.

³⁰ Goleke, ni ka da amare cheen te zininpe pala e chave katar aver phuv, ta ni ka muka te zininpe lenge chea amare chavenchar.

³¹ A e llene katar o foro te avena ando llive sabado te bichinen pe ezgode ta katar suako kuchurra, ni ka china lendar niso, ni ando sabado, ni ande ni iek llive kai si slave, ta ando eftato burs ni ka radi e phuv ta ka prosti o unllilipe.

³² Ta achilam pe orba te da suako burs star gramura rup pe so trubula ando cher e Devleko:

³³ te cherdol o marrno kai si dino e Devleke, e kuchorra kai denpe suako llive, e kurbanura kai denpe suako llive, e kurbanura kai denpe suako sabado ta kana si mesechina, ta aver slave Devlikane, ta sa e ezgode dine e Devleke, o kurbano pala o prostipe katar o bilachipe e Israeleko, ta pe sa so cherdol ando cher amare Devleko.

³⁴ Ta e popura, e levitura ta sa o foro prema suako familia, cheldepe te dikhen ande savo vreme ka inllaren suako iek e kasta kai trubun ando cher amare Devleko, te phabardo po altar e Devleko gia sar si pisime ando zakono.

³⁵ Ta i achilam po alav te inllara suako burs ando cher e Devleko e purve septelie katar amari umal ta katar sa amare kasta kai den septelie,

³⁶ ta te inllara kai o cher amare Devleko amare purve minonen, ta i e purve minone katar amare guruva ta katar amare bakre, gia sar si pisime ando zakono, angla e popura kai radin ando cher e Devleko.

³⁷ Ta i achilam pe orba te inllara kai e sobe katar o cher e Devleko, te pomozi e poponen, amari purvo arina ta e purve septelie katar suako kas, ta amari purvo mol ta amaro purvo zeitino, te inllara kai e levitura katar so del e phuv, des katar e stotina, soke von si gola kai chiden katar amare umalia e des katar e stotina.

³⁸ Ta kana e levitura ka aven te chiden e des katar e stotina, ka llal lenchar iek popo katar o porodo e Aaronoko. Mapalal e levitura morabi te inllaren kai e sobe kai gurudol o barvalipe katar o cher amare Devleko, e des katar e des katar e stotina kai von ka chiden,

³⁹ soke e israelitura ta e levitura inllaren o lliu kai si dino, e mol ta o zeitino kai e sobe kote kai si e ezgode devlikane, kote kai radin e popura, e llene kai arakhen e udara ta e llene kai llilaben. Ta diam amaro alav kai ni ka muka o cher amare Devleko.