Matei 1 - Biblia ande chib Romani

E vicha e Jesukristoki

¹ Gava si o lil katar e vicha e Jesukristoki, vou saia katar e vicha e Davideki ta i e Abraameki.

² O Abraam saia o dad e Isaakeko, a o Isaak saia o dad e Santiagoko, a o Jakob saia o dad e Judaeko ta i lenge phlalengo.

³ A o Juda saia o dad e Fareseko ta i e Sarako a leki dei saia e Tamar, a o Fares saia o dad katar o Esrom a o Esrom saia o dad e Arameko.

⁴ A o Aram saia o dad e Amidanabeko, a o Aminadab saia o dad e Naasonoko, a o Naason saia o dad e Salmonoko.

⁵ A o Salmon saia o dad e Boosko, a leki dei saia e Rahab, a o Boos saia o dad e Obednoko a e Obedneki dei saia e Rut, a o Obed saia o dad e Isaieko.

⁶ A o Isai saia o dad e Davideko, o charo, a o charo David saia o dad e Salomonoko kai leki dei saia rromi e Uriaseki.

⁷ A o Salomon saia o dad e Roboameko, a o Roboam saia o dad e Abiaseko, a o Abias saia o dad e Asaeko.

⁸ A o Asa saia o dad e Josafateko, a o Josafat saia o dad e Jorameko, a o Joram saia o dad e Usiaseko.

⁹ A o Usias saia o dad e Jotameko, a o Jotam saia o dad e Akaseko, a o Akas saia o dad e Ezekiaseko.

¹⁰ A o Ezekias saia o dad e Manaseseko, a o Manases saia o dad e Amoneko, a o Amon saia o dad e Josiaseko.

¹¹ A o Josias saia o dad e Jekoniaseko, ta i lenge phlalengo ando vreme kana inllarde phangle e llenen katar o Israel ande Babilonia.

¹² O Jokonias saia o dad e Salatieleko, a o Salatiel saia o dad e Zorobabeleko.

¹³ A o Zorobabel saia o dad e Abiudeko, a o Abiud saia o dad e Eliakimeko, a o Eliakim saia o dad e Asoreko.

¹⁴ A o Asor saia o dad e Sadokeko, a o Sadok saia o dad e Akimeko, a o Akim saia o dad e Eliudeko.

¹⁵ A o Eliud saia o dad e Eleasareko, a o Eleasar saia o dad e Mataneko, a o Matan saia o dad e Jakoboko.

¹⁶ A o Jakob saia o dad e Joseeko, a o Jose saia rrom e Mariako kai lake maladilo o Jesus kai ikharena le o Kristo.

¹⁷ Goleke sa e viche si desustar, katar o David llik kai o Abraam si desustar, katar o David llik kana inllarde e llenen katar o Israel ande Babilonia si desustar, ta kotar llik kai o Kristo si desustar.

Sar biandilo o Jesukristo

¹⁸ Gia si sar biandilo o Jesukristo: E Maria leki dei saia mangli pala o Jose ta mai anglal te zivin ando than llanglinaila kai e Maria saia phari katar o Santo Duo.

¹⁹ O Jose lako rrom sar saia chacho, ta ni kamela te del la ando lallao mangela te mukel la po chorial.

²⁰ Kana mislilape ande gala ezgode, iek suecho e Devleko sikadilo leke ande sune, ta phenda leke: Jose chavo e Davideko, na dara te zini tut e Mariaia, soke so si te maladol lake, avel katar o Santo Duo.

²¹ Ta ka maladol lake iek minono ta ka thove leko anav, Jesus, soke vou ka braduil pe foro katar lengo bilachipe.

²² Sa gala ezgode nakhle te sai cherdol so phendaia o Del katar o profeta:

²³ Iek chei ka achel phari ta ka maladol lake iek minono, kai ka thoven leko anav Emanuel gua si: O Del amenchar.

²⁴ Kana o Jose llungadilo katar o suno, cherda sa so phendaia leke o suecho, ta lia e Maria sar pi rromi.

²⁵ Ta ni zivisarda laia ande iek than lligo ni maladilo lake lako edino chaurro, ta o Jose thoda leko anav Jesus.