Кэздэто 36 - Biblia ande chib Romani

O porodo e Esaueko

¹ Gava si o porodo kai likisto katar o Esau, kai si o Edom.

² O Esau zinisailo e diskinienchar katar o Kanaan: E Adaia, chei katar o Elon o jitita, e Aolibamaia, chei e Anaki ta unuka katar o Zibon o jeveo,

³ ta e Basemataia chei katar o Ismael ta phiorri katar o Nebaiot.

⁴ O minono kai dia e Ada e Esaue, saia o Elifas. A e Basemat maladila lake o Reuel.

⁵ E Aolibama maladila lake o Jeus, o Jaalam ta o Kore. Gala sea e chaurre e Esaueke kai biandile kana vou zivila ande phuv katar o Kanaan.

⁶ O Esau lia pe rromien, pe chaurren, pe chorren ta sa e llenen kai zivina lea, ta llelotar te zivil pe aver rig dur katar po phlal o Jakob. Ta inllarda pea sa pe zivirinie ta sa so therdaia ando Kanaan,

⁷ soke pe gachin saia e duien kai nasti zivina pase, ta e phuv kai zivina ni resela te jan lenge zivirinie.

⁸ Goleke o Esau, kai si o Edom, llelo te zivil ande phuv kai ikhardol Seir kai si maskar e burdura.

⁹ Gava si o porodo e Esaueko, kai letar likista e vicha katar e edomitura, kai zivina po burdo katar o Seir.

¹⁰ O Esau avila le chaurre, gala si lenge anava: O Elifaz, chaurro katar e Ada ta katar o Esau. O Reuel, chaurro katar e Basemat ta katar o Esau.

¹¹ A e chaurre katar o Elifaz, sea gala: O Teman, o Omar, o Sefo, o Gatam ta o Kenaz.

¹² A e Timna saia konkubina katar o Elifaz chaurro katar o Esau, ta avila le iek chaurro kai ikhardola Amalek, gala sea o porodo e Adako, iek katar e rromia e Esaueke.

¹³ E chaurre katar o Reuel sea gala: O Najat, o Zeraj, o Sama ta o Miza. Gava si o porodo katar e Basemat, aver katar e rromia katar o Esau.

¹⁴ E Aolibama saia aver rromi katar o Esau, ta avila la gala chaurre: O Jeus, o Jaalam ta o Kore. Voi saia chorri e Anaki ta unuka katar o Sibon.

¹⁵ Gala si e birovura maskar e chaurre katar o Esau: Chaurre katar o Elifaz, o mai purano katar o Esau, e birovura sea gala: O Teman, o Omar, o Sefo, o Kenaz,

¹⁶ o Kore, o Gatan ta o Amalek. Gala si e birovura katar o Elifaz ande phuv katar o Edom, ta sa von sea o porodo e Adako.

¹⁷ Katar e chaurre katar o Reuel, chaurro katar o Esau, e birovura sea gala: O Najat, o Zeraj, o Sama ta o Miza. Gala sea e birovura prema o Reuel ande phuv katar o Edom, ta sea katar o porodo katar e Basemat, e rromi katar o Esau.

¹⁸ Katar e chaurre katar e Aolibama, e chorri e Anaki ta rromi katar o Esau, e birovura sea gala: O Jeus, o Jaalam ta o Kore.

¹⁹ Sa gala sea o porodo katar o Esau kai ikharena le Edom, gala si e birovura:

²⁰ E chaurre katar o Seir o joreo kai zivina ande goia phuv, sea o Lotan, o Sobal, o Sibon, o Ana,

²¹ o Dison, o Ezer ta o Disan. Gala sea e birovura katar e joreura kai sea katar o porodo katar o Seir, ande phuv katar o Edom.

²² E chaurre katar o Lotan sea o Jori ta o Eman. E Timna saia e phei katar o Lotan.

²³ E chaurre katar o Sobal sea o Alvan, o Manajat, o Ebal, o Sefo ta o Onam.

²⁴ E chaurre katar o Sibon sea o Aia ta o Ana. O Ana saia kai maladaia e paiorra po pusto, kana arakhela e magarchura katar po dad o Sibon.

²⁵ E chaurre katar o Ana sea o Dison, ta iek chorri kai ikhardola Aolibama.

²⁶ E chaurre katar o Dison sea o Jemdan, o Esban, o Itran ta o Keran.

²⁷ E chaurre katar o Ezer sea o Bilan, o Zavan ta o Akan.

²⁸ E chaurre katar o Disan sea o Uz ta o Aran.

²⁹ E birovura katar e joreura sea o Lotan, o Sobal, o Sibon o Ana,

³⁰ o Dison, o Ezer ta o Disan. Gala sea e birovura katar e joreura, ande phuv katar o Seir.

³¹ Gala sea e charura kai gazdarisarde ando Edom mai anglal te avel charo ando Israel:

³² O Bela kai saia chaurro katar o Beor, kai saia o charo katar o Edom, ta leko foro ikhardola Dinaba.

³³ Kana o Bela mulo, gazdarisarda pe leko than o Jobab, chaurro katar o Zeraj, kai saia katar o foro kai ikhardol Bosra.

³⁴ Kana o Joab mulo, gazdarisarda pe leko than o Jusam, kai saia katar e phuv katar o Teman.

³⁵ Kana o Jusam mulo, gazdarisarda pe leko than o Adad, o chaurro katar o Bedad kai dobisarda e Madiane ande umal katar o Moab, ta leko foro ikhardola Avit.

³⁶ Kana mulo o Adad, gazdarisarda pe leko than o Samla, kai saia katar o foro kai ikhardol Masreka.

³⁷ Kana o Samla mulo, pe leko than gazdarisarda o Saul, kai saia katar o Rejobot, o foro kai si pasa o pai o Eufrates.

³⁸ Kana o Saul mulo, gazdarisarda pe leko than o Baal Janan, chaurro katar o Akbor.

³⁹ Ta kana mulo o Baal Janan, gazdarisarda pe leko than o Adad, ta leko foro ikhardola Pav. E rromi katar o Adad ikhardola Meetabel, chorri katar e Matred ta saia unuka katar o Mezaab.

⁴⁰ Gala si e anava katar e birovura katar o Esau ta katar leko porodo ta e thana kai zivina, lenge anava sea gala: O Timna, o Alva, o Jetet,

⁴¹ o Aolibama, o Ela, o Pinon,

⁴² o Kenaz, o Teman, o Mibsar,

⁴³ o Magdiel ta o Iram. E Saue ikharenale Edom, ta gala sea lenge anava prema lenge thana kai zivina. O Edom si isto o Esau, o dad katar e edomitura.