Кэздэто 10 - Biblia ande chib Romani

O porodo katar e chave Noeeke

¹ Gaia si e vicha Katar e chaurre e Noeeke: O Sem, o Kam ta o Jafet. Len avila len chaurre mapalal katar o baro pai kai ucharda sa e phuv.

² E chaurre katar o Jafet sea gala: O Gomer, o Magog, o Madai, o Javan, o Tubal, o Mesek, ta o Tiras.

³ A e chaurre katar o Gomer sea gala: O Askenaz, o Rifat ta o Togarma.

⁴ A e chaurre katar o Javan sea gala: O Elisa, o Tarsis, o Kitim, ta o Rodanim.

⁵ Katar gaia vicha likiste e llene kai zivisarde pasa e mora, suako llene ande pire phuvia dena orba ande pire chibia prema lenge familie.

⁶ A e chaurre katar o Kam sea gala: O Kus, o Misraim, o Fut ta o Kanaan.

⁷ A e chaurre katar o Kus sea gala: O Seba, o Javila, o Sabta, o Raama, ta o Sabteka. A e chaurre katar o Ragama sea gala: O Seba, ta o Dedan.

⁸ O Kus saia o dad katar o Nimrod, o purvo lleno pe phuv kai gazdarila.

⁹ O Nimrod angla o Del saia but lacho te istarel zivirinie. Ta kotar avel o alav kai phenel: Gia sar o Nimrod kai pala e volia e Devleki, saia iek lleno kai llanela te istarel zivirinie.

¹⁰ Ta pe mai bare forura kai vou gazdarila sea o Babel, o Erek, o Akab ta o Kalne, ande phuv katar o Sinar.

¹¹ Katar gaia phuv likisto o Nimrod ta llelo karing e Asiria, ta kote vazdia e forura kai ikhardon Ninive, Rejobot Kalaj,

¹² ta o baro foro kai ikhardol Resen, kai si maskar o Ninive ta o Kalaj.

¹³ E chave katar Misraim sea gala: O Ludim, o Anamim, o Leabim, o Naftujim,

¹⁴ o Patrusim, o Kaslujim, ta katar gaia vicha likiste e filisteura.

¹⁵ E chaurre katar o Kanaan sea gala: O purvo saia o Sidon, ta o duito o Jet.

¹⁶ Gala si e forura kai aven katar e vicha katar o Kanaan, gala si lenge anava: E jebuseura, e amorreura, e gergeseura,

¹⁷ e jivitura, e araseura, e sineura,

¹⁸ e arvadeura, e semareura, e jamateura, ta mapalal fuladile e familie katar e kananeura.

¹⁹ Ta e phuv katar e kananeura resela llik kai o Sidon, karing o Gerar, llik kai e Gaza, ta karing e Sodoma, e Gomorra, e Adma ta o Seboim llik kai e Lasa.

²⁰ Gala si e chaurre katar o Kam prema lengi familie, lenge chibia ta lenge phuvia.

²¹ O Sem kai saia o phlal o mai purano katar o Jafet, i le avilale chaurre. Sa e chaurre katar o Eber sea katar e vicha katar o Sem.

²² E chaurre katar o Sem sea gala: O Elam, o Asur, o Arfajsad, o Lud ta o Aram.

²³ A e chaurre katar o Aram sea gala: O Uz, o Jul, o Geter ta o Mas.

²⁴ A o Arfajsad saia o dad katar o Selaj, a o Selaj saia o dad katar o Eber.

²⁵ A o Eber avila le dui chaurre, o purvo ikhardola Peleg soke ande leke llivesa e phuv fuladili, ta o anav katar leko phlal saia Joktan.

²⁶ A o Joktan saia o dad katar o Almodad, katar o Selef, katar o Jasar Mavet, katar o Jera,

²⁷ katar o Adoram, katar o Uzal, katar o Dikla,

²⁸ katar o Obal, katar o Amimael, katar o Seba,

²⁹ katar o Ofir, katar o Javila, ta katar o Jobab. Sa gala sea e chaurre katar o Joktan.

³⁰ Ta zivisarde ande phuv kai resela ande Mesa karing o Sefar, llik kai e burdura karing likel o kham.

³¹ Gala sea e chaurre katar o Sem, prema lenge familie, lenge chibia ta lenge phuvia.

³² Gala si e familie katar e chaurre katar o Noe ta lenge viche, ta lenge phuvia. Ta gala si e manusa kai rispisaile pe sa e phuv mapalal katar o baro pai kai uchardaia sa e phuv.