Kantares 8 - Biblia ande chib Romani

¹ ¡Ioi, te avilana sargo mo phlal, ta te bariardaia tut mi dei pe po kolin! Ondaka te maladema tut po drom, sai chumidiema tut ta niko ni diaia me orbe.

² Sai inllardema tut kai me dako cher ta sai cherdema tut te de andre, ta tu sai sikadana man, a me sai diema tut katar e mai lachi mol ta katar o pai katar me granade.

³ Leko va o stingo te avel telal katar mo soro, ta leko va o chacho te lipil man pe pete.

Vou

⁴ Jan mange sovel chea katar o Jerusalem kai ka muken la te sovel, voi si mo volipe. Muken la te sovel lligo ni ka mangel te ustel.

E sovto llili Llilaben sa

⁵ ¿Ko si gaia kai avel katar o pusto inzardi po dumo katar gua kai volil la? Telal katar iek kas phabaiengo llungadem tut. Kote kai dukhaia che da, kote kai dukhaia gola kai bianda tut.

Vou Voi

⁶ Inllar man sargo iek sello pe cho lio, ta sargo iek sello pe cho va, soke o volipe si zuralo sargo o meripe. E joli kana voli si zurali sargo o limori leki iag si sargo iek baro plameko kai phabol.

⁷ Ni o pai katar sa e mora nasti mundarel o volipe, ni o pai katar e lena nasti tasaven le. A ko mangela te del sa po barvalipe te pochinel o volipe, ka maren letar espurnia.

Llilaben sa

⁸ Amari phiorri inai la kolina. ¿So ka chera amare phiorrake kana ka aven te mangen la?

⁹ Te avilaia iek zido thodama pe late iek baro cher rupuno, te avilia udar thodama pe late kasta katar o sedro.

Voi

¹⁰ Me sem iek zido, ta me kolina si sargo bare chera, goleke sar kana vou dikhla man me maladem e veselia.

¹¹ E Salomone saia drakha ando Baal Amon ta mukla te arakhen len e boñikura, ta kana avela o vreme kai chiden e drakha, suako iek saia te anel milia tolaria rupune.

¹² E milia tolaria rupune le len tu, Salomon, ta e dui stotine tolaria e llenenge kai arakhen e drakha, a me arakhav e drakha kai si murne.

Vou

¹³ Tu kai zivi ande vostanura, me amal asunen cho avazi cher man te asunav le ime.

Voi

¹⁴ Sigar, manusea kai voliu tut, praste sargo iek venado, sargo o minono katar iek gasela upral pe burdura kai khanden sukar.