Josue 15 - Biblia ande chib Romani

E phuv katar o Juda

¹ E phuv kai die e familiake katar o Juda avela llik o Edom ta ando sur llik o pusto o Sin.

² Ando sur resela katar e Mora e Londi,

³ kote kai o drom likel ando Akrabim ta nakhel llik o Zin. Mapalal likel katar o sur llik o Kades Barnea ta nakhela katar o Jesron llik o Adar ta avela ando Karka,

⁴ mapalal resela katar o Asmon ando paiorro katar o Ejipto llik e mora. Llik kote resel lengi phuv.

⁵ Ando este e phuv saia katar e Mora e Londi llik o Jordan. Kotar saia e phuv kai resela ando norte,

⁶ ta resela katar o Bet Jogla ta nakhel ando norte katar o Bet Araba. Kotar ande pechina katar o Boan Ben Ruben,

⁷ mapalal likela katar e bari umal katar o Akor kai o Debir llik o Gilgal kai si angla o drom kai likel ando Adumin kai si ando sur katar o paiorro llik e paia katar o En Semes kai likel ando Rogel,

⁸ mapalal nakhela ande bari umal katar o Ben Inom ando sur katar drom kai likel po burdo ando Jebus kai gua si o Jerusalem. Mapalal likela po burdo kai si ando oeste katar e bari umal o Inom, ando norte katar e bari umal o Refaim,

⁹ kotar katar o burdo avela llik o lenorri katar o Neftoaj ta ande forura katar o burdo o Efron, ta llala ando Baala kai ikharen le o Kiriat Jearim.

¹⁰ Katar o Baala irilape ando oeste llik o burdo o Seir ta nakhela ando Kesalon ando norte katar o burdo o Jearim, ta mapalal fuliela llik o Bet Semes te nakhel ando Timna,

¹¹ pe droma kai llan pe burdura katar o Ekron pasa o Sikron, nakhel po burdo katar o Baala ta likel ando Jabneel llik e mora.

¹² E phuv pe rig kai perel o kham avela llik kai e Bari Mora. Sa gaia saia e phuv katar e vicha e Judeaki kai fulade maskar e familie katar e vicha.

O Kaleb lel o Jebron ta o Debir

¹³ O Josue dia e Kalebe chavo katar o Jefune nesave thana katar e phuv e Judeaki. Sar phendaia le o Del, dia le o Jebron, o mai baro foro katar e chave e Anakeke.

¹⁴ Ta o Kaleb tradia kotar trine katar e chave e Anakeke kai ikharena len o Sesai, o Ajiman ta o Talmai.

¹⁵ Mapalal llelo te marelpe e llenenchar kai zivina ando Debir, kai ikharena le o Kiriat Sefer.

¹⁶ Ta o Kaleb phenda: Aide te mara e foroia ta o gua kai ka lel le, me ka dav le mi chorri e Aksa te zinilpe laia.

¹⁷ Ta o lleno kai lia e foro saia leko sinoucho o Otoniel chavo katar o Kenaz, ta o Kaleb dia le leki chorri e Aksa te zinilpe laia.

¹⁸ Kana o Otoniel inllarela la kai po cher, cherda te mangel voi katar po dad te den len phuvia te sai radin len. Ondaka voi fulisti katar o magarcho, ta o Kaleb puchla la: ¿So mange?

¹⁹ Voi phenda: Soke dian man phuvia ando Negeb, i de man paiorra. Ta o Kaleb dia la paiorra kai si upral ta telal.

E forura katar e vicha e Judaeki

²⁰ Gala si e phuvia katar e vicha e Judaeki kai fulade prema e familie katar e vicha.

²¹ E forura kai die len ando sur pasa o Edom sea o Kabseel, o Eder, o Jagur,

²² o Kina, o Dimona, o Adada,

²³ o Kedes, o Jasor, o Itnan,

²⁴ o Zif, o Telem, o Bealot,

²⁵ o Jasor Jadata, o Keriot, o Jesron, kai ikharen le o Jasor,

²⁶ o Amam, o Sema, o Molada,

²⁷ o Jasar Gada, o Jesmon, o Bet Pelet,

²⁸ o Jasar Sual, o Berseba ta leke forura minone,

²⁹ o Baala, o Iim, o Esem,

³⁰ o Etolad, o Kesil, o Jorma,

³¹ o Siklag, o Madmana, o Sansana,

³² O Lebaot, o Siljim ta En Rimon. Sa e forura bare ta minone sea bis ta inia.

³³ Ande bare umalia o Estaol, o Zora, o Asena,

³⁴ o Zanoa, o En Ganim, o Tapua, o Enam,

³⁵ o Jarmut, o Adulam, o Soko, o Azeka,

³⁶ o Saaraim, o Aditaim, o Gedera ta o Gedorotaim. Sa e forura bare ta minone sea desustar.

³⁷ E forura ando Senan, o Jadasa, o Migdal Gad,

³⁸ o Dilean, o Mispa, o Jokteel,

³⁹ o Lakis, o Boskat, o Eglon,

⁴⁰ o Kabon, o Lajmas, o Kitlis,

⁴¹ o Gederot, o Bet Dagon, o Naama ta o Makeda. Sa e forura bare ta minone sea desusov.

⁴² E forura ande Libna, o Eter, o Asan,

⁴³ o Iftaj, o Asna, o Nesib,

⁴⁴ o Keila, o Aksib ta o Maresa. Sa e forura bare ta e minone sea inia.

⁴⁵ O foro o Ekron ta sa e forura kai sea truial letar,

⁴⁶ ta katar o Ekron llik e mora sa e phuv pasa o Asdod ta sa e forichura minone.

⁴⁷ O Asdod ta e forura kai sea truial letar, ta o Gaza ta e forura truial llik o paiorro katar o Ejipto ta e Mora e Bari.

⁴⁸ Pe burdura o Samir, o Jatir, o Soko,

⁴⁹ o Dana, o Kiriat Sana, kai ikharen le o Debir,

⁵⁰ o Anab, o Estemoa, o Anim,

⁵¹ o Gosen, o Jolon ta o Gilo. Sa sea desuiek forura ta lenge forichura.

⁵² E forura katar o Arab, o Duma, o Esan,

⁵³ o Janum, o Bet Tapuaj, o Afeka,

⁵⁴ o Jumta, o Kiriat Arba, kai ikharen le o Jebron, ta o Sior. Sa sea inia forura ta lenge forichura.

⁵⁵ E forura katar o Maon, o Karmel, o Zif, o Juta,

⁵⁶ o Jezreel, o Jokdeam, o Zanoaj,

⁵⁷ o Kain, o Gibea, o Timna. Sa sea des forura ta lenge forichura.

⁵⁸ E forura katar o Jaljul, o Bet Sur, o Gedor,

⁵⁹ o Maarat, o Bet Anot ta o Eltekon. Sa sea sov forura ta lenge forichura.

⁶⁰ E forura katar o Kiriat Baal, kai ikharena le o Kiriat Jearim, o Raba ta leke forichura kai sea pasa le.

⁶¹ Po pusto, o Bet Araba, o Midin, o Sekaka,

⁶² o Nibsan, o Foro katar o Lon, ta o En Gadi. Sa sea sov forura ta lenge forichura.

⁶³ E chave katar o Juda nasti tradie e jebuseonen katar o Jerusalem. Goleke o jebuseo zivin ando Jerusalem llik akana.