Josue 12 - Biblia ande chib Romani

E phuvia kai lia o Moises

¹ Gala si e charura kai e israelitura dobisarde len pe rig kai likel o kham katar o Jordan ta e phuvia kai lie katar o pai o Arnon llik kai o burdo o Jermon, ta e bari umal katar o Jordan pe rig kai likel o kham:

² O Sijon, charo katar e amorreura kai zivila ando Jesbon. Leki charoina saia katar Aroer pasa o pai o Arnon, katar e bari umal kai si po maskaral katar e phuv llik kai o pai o Jabok, kai si e phuv katar e amonitura.

³ Ta e thana kai si pe rig kai likel o kham katar o Jordan, katar e len e Kineret llik kai e Mora Londi po drom katar o Bet Jesimot, ta pe rig sur tele katar o burdo o Pisga.

⁴ O Og charo katar o Basan kai achiloia katar e refaitura ta kai zivina ando Astarot ta ando Edrei.

⁵ Leki charoina saia katar o burdo o Jermon katar o Salka ta katar sa e phuv katar o Basan llik o Gesur ta o Maaka. Ta llik dopas katar o Galaad kai saia katar o Sijon, charo katar o Jesbon.

⁶ O Moises ta e israelitura dobisarde gale charonen, ta o Moises dia gale phuvia e vichenge katar o Ruben katar o Gad ta katar o dopas vicha e Manaseki.

E phuvia kai lia o Josue

⁷ Gala si e charura kai o Josue ta e israelitura dobisarde pe rig kai perel o kham katar o Jordan, maskar Baal Gad ande bari umal katar o Libano ta o burdo o Jalak kai si pasa o Seir. O Josue fulada e phuvia katar gala charura maskar e viche katar o Israel te avel lengi phuv.

⁸ E burdura, e bari umal, o than katar o Jordan, e thana pasa e burdura, o pusto ta o Negeb. Gala phuvia sea katar e jititura, amorreura, kananeura, ferezeura, jeveura ta e jebuseura.

⁹ E charura kai dobisarde sea o charo katar o Jeriko, katar o Ai kai si pasa o Betel,

¹⁰ katar o Jerusalem, katar o Jebron,

¹¹ katar o Jarmut, katar o Lakis,

¹² katar o Eglon, katar o Gezer,

¹³ katar o Debir, katar o Geder,

¹⁴ katar o Jorma, katar o Arad,

¹⁵ katar o Libna, katar o Adulam,

¹⁶ katar o Makeda, katar o Betel,

¹⁷ katar o Tapuaj, katar o Jefer,

¹⁸ katar o Afek, katar o Saron,

¹⁹ katar o Madon, katar o Jasor,

²⁰ katar o Simron Meron, katar o Aksaf,

²¹ katar o Taanak, katar o Megido,

²² katar o Kedes, katar o Jokneam ando Karmelo,

²³ katar o Dor ande phuv katar o Dor, katar o Goim ando Gilgal,

²⁴ ta katar o Tirsa. Sa sea tranda ta iek charura.