Jonas 2 - Biblia ande chib Romani

O Jonas molilpe

¹ Ondaka o Jonas molisailo e Devleke andral katar o macho,

² ta phenda: Ande mi nuzda molisailem chuke Del, ta tu dian anglal. Kana sema ando than e mulengo, tu asundan mo avazi.

³ Chudian man chak andre ande mora, ta e mora saia truial mandar sargo iek bari len. E bare valura kai tu bichaldan nakhena upral pe mande.

⁴ Ta misliva kai tu chudian man tutar, misliva kai ni ka dikhav nikada ios cho santo Cher.

⁵ Samo pai saia truial mandar, e bari mora saia upral pe mande, ta e patra e morake ulinape pe mo soro.

⁶ Reslem chak tele katar e phuv, ¡misliva kai nikada ni ka likav kotar! A tu Del, kai san mo Del, braduisardan man katar o meripe.

⁷ Kana acharava kai o zivoto mukela man, mislisailem ande tute, Del, o molipe kai cherdem reslo tute kai cho santo Cher.

⁸ E llene kai pachan ande aver dela muken o lachipe,

⁹ a me, ka blagosiv tut me avazea, ka cherav chuke kurbanura, ka cherav e sovlia kai jalem chuke. ¡Samo tu, Del, sai bradui!

¹⁰ Ondaka o Del cherda e mache te chadel e Jonase pe phuv.