Job 8 - Biblia ande chib Romani

Bildad

¹ O Bildad suita phenda leke:

² ¿Gachin ios ka de gola orbe, ta ka avel chi orba sargo iek balav zurali?

³ ¿So misli kai o Del ka bangarel so si orta? ¿O gua kai si le sa e zor ka muril o chachipe?

⁴ Te cherde leke o bilachipe che akha, vou mukla len ande va katar o bilachipe.

⁵ Te rodian thiarinako e Devle, ta te molisailan goleke kai si le sa e zor.

⁶ Te avilan chisto ta chacho, vou chachimaia ka dikhel pe tute, ta ka cherel te bariol o cher katar cho chachipe.

⁷ A te sana minono kana lian te lla angle, mapalal ka ave but baro.

⁸ Puch akana e phuren ta mislisao ande alava katar e purane,

⁹ soke amen sam terne ta ni llana niso, ta amare llivesa pe phuv si sargo iek senka.

¹⁰ A von ka sikaven tut, ta ka phenen chuke alava katar po lio.

¹¹ O junko ta o papiro barion kote kai si but pai,

¹² a kana si zeleno ta bi te avel chindo, vou sukol mai oma neko sa ogola patra.

¹³ Isto gia si gola kai bristarenpe katar o Del, ta merel sa so aduricharen,

¹⁴ soke ka chindol so aduricharen, ta lengi vera si sargo e thava katar o karpeli.

¹⁵ Ka mangen te istardon pe po cher, a o cher ni ka achel pe porrne.

¹⁶ Von si sargo iek kas zeleno angla o kham, ta letar barion ios kasta ando vostano.

¹⁷ Leke zile barion pasa o pai ta si khuvde maskar e barra.

¹⁸ A te ikande len kotar niko ni ka llanen kai von sea kote.

¹⁹ Gia ka avel o son katar leki veselia, a katar o prajo ka liken aver.

²⁰ O Del ni murzil po lleno kai si orta, ta ni pomozil e llenen kai si bilache.

²¹ Ka pherdol veselia cho lio, ta ka urki veselimatar.

²² Gola kai murzin pe tute ka achen ando lallao, ta lenge chera ka aven zatrime.