Jeremias 45 - Biblia ande chib Romani

O Del del po alav e Baruke

¹ Gala alava phenda o profeta o Jeremias ta o Baruk chavo katar o Nerias pisila len po lil, ando burs starto kai gazdarila o Joasim chavo katar o Josias charo katar o Juda ta o Jeremias phenela:

² Gia phenda o Gazda o Del katar o Israel chuke, charo Baruk:

³ Tu phendan: ¡Tesko mange! soke o Del thoda zalba pe mi duk. Chinio sem kai kukiu ta ni lelpe mandar o chiñipe.

⁴ Gia ka phene leke: O Del phenda: Me peravav golen kai vazdiem, ta ikanav golen kai thodem ande phuv te barion ta sa gale phuvia.

⁵ ¿A tu rode chuke bare ezgode? Na rode len, soke me anav e zatrania pe sa e manusa, gia phenda le o Del. A tut ka dav tut cho zivoto sargo chari kaigo te llaia.