Isaias 18 - Biblia ande chib Romani

E poroka pe Etiopia

¹ ¡Tesko e foroke kai cherel senka pe pakhenchar, kai si pala e lena katar e Etiopia,

² kai bichalen llenen te nakhen e mora ta ande llimie cherde katar e patra llan upral po pai! llan zurale, inllaren e viasta, kai si e llene bare ta kai klichil lengo mui, iek o foro kai daraile ta daran letar sa o vreme, llene bare ta kai gazdarin ta kai ande lengo foro nakhen paia,

³ A tumen, saurre kai zivin pe phuv, kana ka dikhen pe burdura iek chiti phanglo pe iek kas, thoven sama ta kana ka basel e tuturuga asunen.

⁴ Soke o Del phenda mange gia: ka besav mange esmiro ta ka dikhav pe tumende katar mo cher, sargo o kham mapalal katar o bursin, sargo oblako kai pechalpeke kana chiden o lliu.

⁵ Soke mai anglal te chindol so del e phuv, kana e septelie ka aven lache, ta kana ka nakhen e lulunlla ta ka reslion e septelie, ondaka e churiaia ka chinel e krangicura ta ka chinel a ta ka ikanel krangura.

⁶ Ta ka aven mukle saurre te jan len e chiriklia katar e burdura ta e zivirinie kai si pe phuv, pe lende ka nakhen o milai e chiriklia ta sa e zivirinie ka nakhen pe lende viend.

⁷ Ande gua vreme ka anen kai o Del kai si le sa e zor, so si dino katar e llene bare ta kai klichil lengo mui, iek o foro kai daraile ta daran letar sa o vreme, llene bare ta kai gazdarin ta kai ande lengo foro nakhen paia, ka aven kai o than kai si o anav katar o Del kai si le sa e zor kai o burdo katar o Sion.