Isaias 12 - Biblia ande chib Romani

Llilabipe kai del fala

¹ Ande gua llive ka phene: ka llilabav chuke Devla soke makar jolailan pe mande chi joli phagili ta dian man zor.

² O Del si mo braduipe ka uzdiv man ta ni ka darav soke mo llilabipe ta mi zor si o Del kai si mo braduipe.

³ Ka ikanen veselimaia katar likel o pai katar o braduipe.

⁴ Ta ande gua llive ka phenen: Llilaben e Devleke, blagosin leko anav, inllaren ande forura e viasta katar so cherda, den tumen golli kai leko anav si baro.

⁵ Llilaben llilia e Devleke, soke cherda ezgode glamne, te llangliolpe pe sa e phuv.

⁶ Veselisao ta llilabe foro katar o Sion, soke baro si maskar tu o Santo katar o Israel.