Apokalipsis 10 - Biblia ande chib Romani

O suecho ta o lil minono

¹ Mapalal dikhlem aver suecho zuralo kai fuliela katar o miloso ande iek oblako ta pe leko soro saia e korona ta leko mui saia sargo o kham ta leke porrne sargo kasta iagake.

² Ta ande leko va saia iek lilorro putardo ta thoda po porrno o chacho pe mora ta o estingo pe phuv.

³ Ta phenda bare avazea gia sar basel o liono, ta kana phenda bare avazea efta esterliche asundile lenge avazura.

⁴ Mapalal kana asundile e avazura katar e efta esterliche, me lava te pisiv ta asundem iek avazi katar o miloso kai phenela mange, phande e ezgode kai e efta esterliche phende ta na pisisare len.

⁵ Ta o suecho kai dikhlem pe porrne pe mora ta upral pe phuv vazdia po va ando miloso.

⁶ Ta jala sovel pe gua kai zivil ostade kai cherda o miloso ta e ezgode kai si ande lete ta e phuv ta e ezgode kai si ande late ta e mora ta e ezgode kai si ande late kai o vreme ni ka avel ios

⁷ Ta kai ande llivesa katar o avazi katar o eftato suecho kana vou ka thovelpe te basalel e tuturuga ka cherdol e volia gurudini e Devleki gia sar vou phendaia le pe eslugenge e poraukura.

⁸ O avazi kai asundem katar o miloso dia pale orba manchar ta phenda: Lla ta le o lilorro kai si putardo ando va katar o suecho kai si pe porrne upral pe mora ta upral pe phuv.

⁹ Ta llelem kai o suecho ta phendem leke te del man o lilorro ta vou phenda mange, le ta jale ta ka cherkiarel cho lli ande cho mui ka avel guglo sargo o aullin.

¹⁰ Ondaka liem o lilorro katar o va e suechoko ta jalemle ta saia guglo ande mo mui sargo o aullin a kana jalemle cherkiarda mo lli.

¹¹ Ondaka vou phenda mange, trubul te porauki pale pe but forura, phuvia, chibia ta charura.