1 Kronikas 4 - Biblia ande chib Romani

O porodo katar o Juda

¹ E chave katar o Juda sea, o Fares, o Jesron, o Karmi, o Jur ta o Sobal.

² O Reaias chavo katar e Sobal saia o dad katar o Jajat ta o Jajat saia o dad katar o Ajumai ta o Laad. Gala sea e familie katar e soratitura.

³ Katar o dad katar o Etam, o Jezreel, o Isma ta o Ibdas. Ta lengi phei saia e Jaze Lelponi.

⁴ O Penuel saia o dad katar o Gedor ta o Ezer saia o dad katar o Jusa. Gala sea e chave katar o Jur o chavo mai purano katar o Efrata, o dad katar o Belen.

⁵ O Asur kai saia o dad katar o Tekoa sea le dui rromia, e Jela ta e Naara.

⁶ E Naara saia e dei katar o Ajuzam, o Jefer, o Temeni ta o Ajastari.

⁷ E Jela saia e dei katar o Seret, o Jesojar ta o Etnan.

⁸ O Kos saia o dad katar o Anub, o Sobeba ta katar e familia e Ajarjeleki chavo katar o Arum.

⁹ Ta o Jabes saia o mai pinllardo maskar leke phlal, ta leki dei ikharda le Jabes, kana phenda: Maladilo mange ande duk.

¹⁰ O Jabes molisailo e Devleke ta phenda: Blagosisar man Devla, de man iek bari phuv, pomozisar man ta braduisar man te na nakhav patnia. Ta o Del dia le sa so mangla.

¹¹ O Kelub, o phlal katar o Suja, saia o dad katar o Mejir. O Mejir saia o dad katar o Eston.

¹² O Eston saia o dad katar o Bet Rafa, o Paseaj ta o Tejina kai vazdia o foro katar o Najas. Gala sea e llene katar o Reka.

¹³ E chave latar o Kenaz sea o Otoniel ta o Seraias. E chave katar o Otonias sea, o Jatat

¹⁴ ta o Meonotai kai saia o dad katar o Ofra. O Seraias saia o dad katar o Joab kai saia o dad katar e llene kai zivin ande bari umal katar o Jarasim.

¹⁵ E chave katar o Kaleb chavo e Jefuneko, sea, o Iru, o Ela ta o Naam. O Ela saia o dad katar o Kenaz.

¹⁶ E chave katar o Jaalel sea, o Zif, o Zifa, o Tirias ta o Asareel.

¹⁷ E chave katar o Ezdras sea, o Jeter, o Mered, o Efer ta o Jalon. Ta saia i o dad katar e Maria, o Samai ta o Isbaj, kai saia o dad katar o Estemoa.

¹⁸ Ta e Jeudaia saia e dei katar o Jered, o dad katar o Gedor, o Jeber o dad katar o Soko, ta o Jekutiel o dad katar o Zanoaj. Gala sea e chaurre katar e Bitia kai saia e chorri e Faraonoki, ta kai saia pala o Mered.

¹⁹ E chave katar e rromi e Jodiaseki, e phei katar o Najam sea, o dad katar o Keila o garmita ta o Estemoa o maakateo.

²⁰ E chave katar o Simon sea, o Amnon, o Rina, o Ben Janan ta o Tilon. Ta e chave katar o Isi sea o Zojet ta o Ben Zojet.

²¹ E chave katar o Sela chavo e Judaeko sea, o Er kai saia o dad katar o Leka, o Laada kai saia o dad katar o Maresa ta e familie kai radina o lino ando Bet Asbea,

²² ta o Joakim ta i e llene katar o Kozeba, o Joas ta o Saraf, kai gazdarisarde ando Moab ta irisaile ando Lejem, prema so phenen e lila purane.

²³ Gala llene cherena piria ta zivina ande vostanura ta umalia phangle, ta incha sea sluge e charoke.

E chave katar o Simeon

²⁴ E chave katar o Simeon sea, o Nemuel, o Jamin, o Jarib, o Zeraj ta o Saul.

²⁵ O Saul saia o dad katar o Salum. O Salum saia o dad katar o Mibsam, ta o Mibsam saia o dad katar o Misma.

²⁶ O Misma saia o dad katar o Jamuel kai saia o dad katar o Zakur, o dad katar o Simei.

²⁷ E Simeie sea le desusov chave ta sov chea. A leke phlal ni sea len but chave, goleke lenge familie ni sea but, sargo e chave katar o Juda.

²⁸ Von zivina ando Berseba, Molada, Jasar Sual,

²⁹ Bilja, Esem, Tolad,

³⁰ Betuel, Jorma, Siklag,

³¹ Bet Markabot, Jasar Susim, Bet Birai ta Saaraim. Gala sea lenge forura llik kai e charoina katar o David.

³² Ta lenge panch forichura sea, Etam, Ain, Rimon, Tokem ta Asan,

³³ ta sa e forichura kai sea truial katar gala forura llik kai o Baalat. Gala si e thana kai zivisarde von ta lenge familie.

³⁴ O Mesobab, o Jamlek, o Josias chavo katar o Amasias,

³⁵ o Joel, o Jeu chavo katar o Josibias, chavo katar o Seraias, chavo katar o Asiel,

³⁶ o Elioenai, o Jaakoba, o Jesojaias, o Asaias, o Adiel, o Jesimiel, o Benaias,

³⁷ o Ziza chavo katar o Sifi, chavo katar o Alon, chavo katar o Jedaias, chavo katar o Simri, chavo katar o Semaias.

³⁸ Sa gala sea gazda katar e familie. Ta soke barile but leke familie,

³⁹ avile ando Gedor te roden char te den te jan pe bakren, pe rig kai likel o kham katar e bari umal,

⁴⁰ kote malade but sukar char te iek phuv bari, smiro ta ande pas. Kote zivisardea omanglal e chave katar o Kam,

⁴¹ a ando vreme katar o charo o Ezekias katar o Juda, avile gala llene kai si pisime prema lenge anava, ta zatrisarde sa e chare ta e chera kai malade ta thodepe te zivin von, soke kote saia char te den te jan pe bakren.

⁴² Ta i o Pelatias, o Nearias, o Refaias ta o Uziel chave katar o Isi, inllarde pe burdura katar o Seir panch stotine katar e murusen kai sea katar e vicha e Simeoneki,

⁴³ ta zatrisarde sa e amalekitonen kai achena. Sar kotar von zivin kote.