1 Kronikas 2 - Biblia ande chib Romani

E chave katar o Israel

¹ E chave katar o Israel sea o Ruben, o Simeon, o Levi, o Juda, o Isakar, o Zabulon,

² o Dan, o Jose, o Benjamin, o Neftali, o Gad ta o Aser.

O porodo katar o Juda

³ E chave katar o Juda sea o Er, o Onan ta o Sela. E dei katar gala trin saia e chei katar e Sua kai saia kananea. A o Er, o chavo mai purano e Judaeko, saia gia bilacho angla o Del kai o Del mundarda le.

⁴ E Tamar e bori katar o Juda maladila lake dui chave, o Fares ta o Zeraj. Sa e chave katar o Juda sea panch.

⁵ E chave katar o Fares sea o Jesron ta o Jamul.

⁶ E chave katar o Zeraj sea o Zimri, o Etan, o Eman, o Kalkol ta o Dara. Sa leke chave sea panch.

⁷ O chavo katar o Karmi saia o Akan, kai anda e zatrania ando Israel kana lia katar so o Del phendaia te zatrin.

⁸ O chavo katar o Etan saia o Azarias.

⁹ E chave katar o Jesron sea o Jerajmeel, o Ram ta o Kelubai.

¹⁰ O Ram saia o dad katar o Aminadab, ta o Aminadab saia o dad katar o Naason, kai saia gazda katar e chave e Judaeke.

¹¹ O Naason saia o dad katar o Salma, ta o Salma saia o dad katar o Booz,

¹² o Booz saia o dad katar o Obed, ta o Obed saia o dad katar o Isai,

¹³ o Isai saia o dad katar o Eliab kai saia leko chavo mai purano, o Abinadab saia leko duito chavo ta o Sima leko trito chavo,

¹⁴ o Natanael leko starto chavo, o Radai leko panchto chavo,

¹⁵ o Osem leko sovto chavo ta o David leko eftato chavo.

¹⁶ Lenge phiorra sea e Seruia ta e Abigail. E chave katar e Seruia sea trin, o Abisai, o Joab ta o Asael.

¹⁷ E Abigail saia e dei katar o Amasa, ta leko dad saia o Jeter o ismaelita.

¹⁸ O Kaleb chavo katar o Jesron saia o dad katar o Jeriot ta e dei katar o Jeriot saia e Azuba. E chave katar e Azuba sea o Jeser, o Sobab ta o Ardon.

¹⁹ Kana muli e Azuba, o Kaleb zinisailo e Efrataia ta avila len iek minono kai ikharde le Jur.

²⁰ Ta o Jur saia o dad katar o Uri, ta o Uri saia o dad katar o Bezaleel.

²¹ Kana o Jesron sea leke sovardes burs zinisailo e cheaia katar o Makir o dad katar o Galaad, ta avila len iek minono kai ikharde le Segub.

²² O Segub saia o dad katar o Jair kai sea le bis ta trin forura ande phuv katar o Galaad.

²³ A o Gesur ta o Aram lie e forura katar o Jair ta o Kenat ta sovardes forichura kai sea truial. Sa gala sea o porodo katar o Makir, o dad katar o Galaad.

²⁴ Kana mulo o Jesron ando Kaleb katar e Efrata, e Abias rromi katar o Jesron maladila lake iek chavo, o Asjur, kai saia o dad katar o Tekoa.

²⁵ E chave katar o Jerajmeel o chavo mai purano katar o Jesron sea o Ram leko chavo mai purano, o Buna, o Oren, o Osem ta o Ajias.

²⁶ E Jerajmeele saia le aver rromi kai ikhardola Atara, e dei katar o Onam.

²⁷ E chave katar o Ram o chavo mai purano katar o Jerajmeel, sea o Maas, o Jamin ta o Eker.

²⁸ E chave katar o Onam sea o Samai ta o Jada. E chave katar o Samai sea o Nadab ta o Abisur.

²⁹ E rromi katar o Abisur ikhardola Abiail, voi saia e dei katar o Ajban ta o Molid.

³⁰ E chave katar o Nadab sea o Seled ta o Apaim. E Selede ni sea le chave kana mulo.

³¹ O Apaim saia o dad katar o Isi. O Isi saia o dad katar o Sesan. O Sesan saia o dad katar o Ajlai.

³² E chave katar o Jada o phlal katar o Samai sea o Jeter ta o Jonatan. Kana o Jeter mulo ni sea le chave.

³³ E chave katar o Jonatan sea o Pelet ta o Zaza. Gala sea o porodo katar o Jerajmeel.

³⁴ E Sesane ni sea le chave samo sea le dui chorra. A saia le iek sluga ejipsio kai ikharena le o Jarja,

³⁵ gale dia le pe chea te zinilpe laia, ta laia avila le iek chavo kai ikharde le Atai.

³⁶ O Atai saia o dad katar o Natan, o Natan saia o dad katar o Zabad,

³⁷ o Zabad saia o dad katar o Eflal, o Eflal saia o dad katar o Obed,

³⁸ o Obed saia o dad katar o Jeu, o Jeu saia o dad katar o Azarias,

³⁹ o Azarias saia o dad katar o Jeles, o Jeles saia o dad katar o Elasa,

⁴⁰ o Elasa saia o dad katar o Sismai, o Sismai saia o dad katar o Salum,

⁴¹ o Salum saia o dad katar o Jekamias, o Jekamias saia o dad katar o Elisama.

⁴² E chave katar o Kaleb o phlal katar o Jerajmeel sea, o Mesa o mai purano kai mapalal saia o dad katar o Zif. O duito chavo saia o Maresa kai mapalal saia o dad katar o Jebron.

⁴³ E chave katar o Jebron sea o Kore, o Tapuaj, o Rekem ta o Sema.

⁴⁴ O Sema saia o dad katar o Rajam kai mapalal saia o dad katar o Jorkoam, ta o Rekem saia o dad katar o Samai.

⁴⁵ O Samai saia o dad katar o Maon kai mapalal saia o dad katar o Bet Sur.

⁴⁶ E Efa, konkubina katar o Kaleb saia e dei katar o Jaran, o Mosa ta o Gazez. O Jaran saia o dad katar o Gazez.

⁴⁷ E chave katar o Jadai sea o Regem, o Jotam, o Gesan, o Pelet, o Efa ta o Saaf.

⁴⁸ E Maaka, konkubina katar o Kaleb avila la o Seber ta o Tirjana.

⁴⁹ Ta i avila la o Saaf o dad katar o Madmana, ta o Seva, o dad katar o Makbena ta o Gibea. Ta e Aksa saia e chei katar o Kaleb.

⁵⁰ Sa gala sea o porodo katar o Kaleb. E chave katar o Jur o chavo mai purano katar o Efrata saia o Sobal, o dad katar o Kiriat Jearim.

⁵¹ O Salma o dad katar o Belen ta o Jaref o dad katar o Bet Gader.

⁵² E chave katar o Sobal kai saia o dad katar o Kiriat Jearim sea o Reaias, o dopas katar e manajetitura.

⁵³ E familie katar o Kiriat Jearim sea e itritura, e futitura, e sumatitura ta e misraitura, ta lendar likiste e zoratitura ta e estaolitura.

⁵⁴ E chave katar o Salma sea o Belen ta e netofatitura, o Atrot Bet Joab, ta e aver dopas katar e manajetitura ta e soreitura.

⁵⁵ E familie katar e soferitura kai zivina ando Jabes kai sea e tirateura e simateura ta e sukateura. Gala sea e kenitura kai si katar o porodo katar o Jamat, o dad katar e vicha katar o Rekab.