1 Juan 2 - Biblia ande chib Romani

¹ Chavalen, me pisiv tumenge gala ezgode te na cheren o bilachipe. A te avel iek tumendar kai cherda o bilachipe, si amen abogado angla o Dad, o Jesukristo o chacho.

² Vou si o kurbano pala amaro bilachipe, ta inai samo pala amaro bilachipe, vou si kurbano i pala sa o sueto. O zakono.

O zakono katar o volipe

³ Te gurudam amen e Devleke zakonura, ondaka ka llana kai de istina pinllara le.

⁴ A te phenel vareko: Me pinllarav le, ta ni guruvel leke zakonura, gua si kojamno ta ande lete inai chachipe.

⁵ Goleke, gua kai kandel leke alava, ande lete de istina si e Devleko volipe, goleke amen llana kai sam lea.

⁶ Gua kai phenel kai llal e Devlea, morabi te llal sar llelo o Jesukristo.

⁷ Phlalalen, gala alava kai pisiv tumenge inai neve, si isto gola kai sea tumen mai anglal. Gala si e alava purane kai asunden mai anglal.

⁸ A me pisiv tumenge iek alava neve kai si chachune ando Kristo ta i ande tumende, soke o truniariko nakhel ta akana kletosarel o villelo chachuno.

⁹ Te phenel vareko kai si ando villelo ta murzil pe po phlal, gua lleno si ando truniariko.

¹⁰ Gua kai volil pe phlale llal ando villelo ta niso nasti peravel le.

¹¹ Ta o gua kai murzil pe po phlal, llal ando truniariko ta ni llanel kai llal, soke o truniariko korrada le.

O chachuno pachape

¹² Chavalen, pisiv tumenge soke o Del prostisarda tumaro bilachipe pala leko anav.

¹³ Dadalen, pisiv tumenge soke tumen llanen kai vou saia mai anglal. Pisiu tumenge e terne, te llanen kai dobisarde e llavolo.

¹⁴ Pisiu tumenge chavalen soke akana pinllaren e Dade. Pisiu tumenge, dada, soke akana pinllaren gole kai saia mai anglal. Ta pusiu i tumenge e ternenge, soke sen zurale ta e Devleke alava si ande tumaro lio ta i soke dobisarden e llavolo.

¹⁵ Na volisaren e sueto ta niso so si ande le. Vareko te volil e sueto, e Devleko volipe inai ande lete.

¹⁶ Soke sogo si ando sueto, o kurvaluko e mislura bilache o istardipe, ni aven katar o Dad, aven katar o sueto.

¹⁷ A o sueto nakhel ta sa leke mislura bilache. A gua kai cherel e Devleki buchi achel ostade.

¹⁸ Chavalen, gava si o son e vremeko. Sar tumen asunden o Antikristo si te avel, ta akana likiste but antikristura, goleke amen llana kai si o vreme katar o son.

¹⁹ Likiste amendar, a ni sea amarendar, soke te avilea amarendar achilea amenchar; a likiste amendar te llangliolpe kai inai saurre amarendar.

²⁰ O Santo thoda pe tumende o Duo ta llanen sa e ezgode.

²¹ Me pisiv tumenge inai soke ni pinllaren o chachipe, tumen llanen o chachipe ta ni iek kojaipe nasti avel katar o chachipe.

²² ¿Ko si kojamno? o kojamno si gua kai phenel kai o Jesus inai o Kristo. Gava si o Antikristo soke phenel kai ni pinllarel e Dade ta ni e Chave.

²³ Fiko te phenel kai ni pinllarel e Chave, inai le e Dade. A gua kai phenel kai pinllarel e Chave, i e Dade si le.

²⁴ Goleke tumen guruven ande tumaro lio so asunden mai anglal, soke te asunden le ta te guruvenle, o Chavo ta i o Dad ka achen tumenchar.

²⁵ Gava si o alav kai dia amen o Jesukristo: O zivoto ostade.

²⁶ Me pisiv tumenge cheres gola llene kai mangen te kojaven tumen.

²⁷ A pe tumende si o Santo Duo kai o Jesukristo bichalda tumenge, ta ni trubul tumen niko te sikavel tumen soke o Duo kai vou dia tumen sikavel tumen katar suako ezgoda ta so sikavel si o chachipe na o kojaipe goleke achen ande iek than e Jesusea.

²⁸ Akana chavalen, achen e Kristoia, te sai avel amen vera kana vou ka sikadol ta te na jan lallao angla le kana vou ka avel.

O mukliardipe katar o bilachipe

²⁹ Tumen llanen kai o Jesukristo si lacho goleke tumen morabi te llanen kai gola kai cheren o lachipe, gola si chave e Devleke.