Jona 3 - Seqa Full Bible

Jona Sa Zola Ninive.

¹ Ngeoro te Buoe sa me te kue Jona vakeria sada, savoy,

² Deire no mo zola te kumala lata ni ninive, no mo la tarimini vatana aro ko soynani amo.

³ Jona sa deire no sa zola Ninive sasoyva Buoe sa soynani oye. Aria Ninive ne, kumala lata sa ae tulu tava mara tae vasepere.

⁴ Te tava kinaka, Jona sa zola te kumala lata, sa tae vaga te kumala no sa tamana, oye savoy, Vatingulu tava sa kuo, no Ninive me tapeiro, savoy.

⁵ Oyra boysi ni Ninive ka vatuna Bangara. Oyra ka vanoydo kasi doyra aki to, no oyra boysi taba, toto te kue oyra boysi poyupoyu doka te kue oyra soso, mara vapoka bubute moysumoysu.

⁶ Sada vatana sa doka te kue Boysi poyu ni Ninive, oye sa juolo kesini ona totongununa poyu, sa jupe ona bubute lata, sa vuquni seninia bubute moysu, no sa tongunu te kau.

⁷ Oye sa peqani vaga la tamana te kumala lata ni Ninive: Goyti tamana sa kea boysi poyu no oyra ona boysi matamata: Kasi vamoyo ka boysi ba pitapupura, bulumakao ba sipi, mara oyke ka pita, kasi vamoyo oyra mara oyke pitanaki ba bi.

⁸ Ba tabae doyra oyra boysi no oyra pitapupura mara vapoka bubute moysumoysu. Tabae doyra oyra boysi mara qila vakarapota la te kue Bangara, no mara soypalure oyra doyra vato zaqala, no doyra jaju roka.

⁹ Ada sa utini? Moyna Bangara me soka ona nanana no me beito moma ni ita, soy ita kasi dia lei.

¹⁰ Sada Bangara sa mia pita oyra ka joyjuni, no savoy oye, oyra ka lure oyra doyra vato roka, oye sa soka ona nanana, no kama vataka vo oyra sasoyva oye sa soyna moyna.