Genesis 7 - Seqa Full Bible

¹ Sa voy goyti Iaova te kue Noa, <

² Mo koype poka te vaka vetu leike no vetu quole oyra pita pupura ka dalo, no keike leike no keike quole oyra pita pupura kama dalo doyra,

³ no mo koype poka vetu leike no vetu quole te susupae adoa doyra oyra roroko te maloykanae, soy moyra tu no moyra zadava napu vele te vodu ni te lua.

⁴ Me paqolo soypa vetu tava aro me peqani latu moyqa te vodu ni te lua me doka te vatingulu tava no vatingulu kose, no aro me siro sia te vodu ni te lua taba oyra pita ka tu aro ko joyjuni moyna,>> sa voy Iaova.

⁵ No Noa sa joyjuni tabae oyra pita Iaova sa voytuni oye.

⁶ Noa sa unomoubi avea sada aqe sa sapene vodu ni te lua.

⁷ Noa, oyra toytuleike, ona quolekutae no oyra quolekutae te oyra toytuleike soy ka paru te vaka ka poykini aqe poyu.

⁸ Keri te susupae adoa doyra oyra pita pupura ka dalo no keri te susupae adoa doyra oyra kama dalo doyra, keri te susupae adoa doyra oyra roroko no keri te susupae adoa doyra oyra pita tu ka qaqara te lua,

⁹ oyra leike no oyra quole, ka me te kue Noa ka paru una te vaka, sa seva pita Bangara sa voytuni moyna Noa.

¹⁰ No sa paqolo soypa la vetu tava aqe poyu sa doka te vodu ni te lua.

¹¹ Te vaunomoubi avea Noa, te vamanovetua tava te vakeria ukene te tava noyene tabae doyra oyra malavuala te kulo lata ka tadeki no oyra poranae bi ni rani ka tadeki.

¹² No moyqa poyu sa suru te vodu ni te lua vatingulu tava no vatingulu kose.

¹³ Te tava noyene to Noa no oyra ka ku una oye sa seva oyra tulu toytuleike oye, Semu, Amu, no Jepati, no ona quolekutae no, oyra quolekutae te oyra tulu toytuleike soy ka paru te vaka.

¹⁴ Oyra ka zo koype taba adoa oyra pita peru, te taba adoa doyra, taba pita pupura ka kapo, te taba adoa doyra, oyra pita ka qaqara te lua te taba adoa doyra oyra roroko te taba adoa doyra, oyra pita sa zari boyloykurua doyra.

¹⁵ Keri te susupae taba pita ka pale tu oyra ka pale ngasapuae tu ka me te kue Noa no ka paru una oye te vaka.

¹⁶ Oyra ka puka ne, oyra leike no oyra quole te susupae oyra pita ka pale tu, sa seva Bangara sa voytuni moyna Noa. Rokusua Noa sa puka te vaka Iaova sa kupene la oye te luoboro.

¹⁷ Te vavatingulua tava aqe poyu sa sapene vodu ni te lua, no luka sa nukoro puka sa vetere poka vaka te sarapokae vodu ni te lua.

¹⁸ Luka sa totoloani no sa nukoro puka te vodu ni te lua, no vaka sa zale te sarapokae luka.

¹⁹ Luka sa totoloani no sa nukonukoro puka te vodu ni te lua, sa sapu oyra supu zaka te sarajuoloa rani.

²⁰ Luka sa totoloani no sa sapu oyra supu sa gae 7 mita te sarajouloa luka.

²¹ Taba oyra pita ka pale tu te vodu ni te lua ka beito ngasapua-oyra roroko, oyra pita ka kapo, oyra pita peru, oyra pita ka qaqara te vodu ni te lua no oyra boysi taba soy.

²² Taba oyra pita tu ka pale ngasapuae tu ka kuo te vodu kava ka lei beito to.

²³ Tabae oyra pita ka pale tu te vodu ni te lua ka siro sia to; oyra boysi, no oyra pita pupura, oyra pita peru no oyra pita tu ka qaqara no oyra roroko te maloykanae soy ka siro sia te vodu ni te lua. Noa to no oyra ka kuo una oye te vaka kama lei doyra.

²⁴ No luka sa totoloani te vodu ni te lua sa doka te keikeubi loymangulu tava.