Genesis 28 - Seqa Full Bible

¹ Si Aisake sa keleike la Jikope no sa manani oye no sa voytuni oye: <

² Mo zola Paddani Aramu, te tatama te tamae sinam, Betuele. Mo pale mo tamo kieke quole gei, ka oye te oyra toytuquole Lebani, vavinia sinam

³ Bangara varavaranga me manani amo re no mo vere vataba no me zadava oyra mo boysi no re mo me kieke tubia boysi.

⁴ Oye me manani amo re no oyra sokutu arasumam sa seva oye sa manani moyna Ebarahami, soy re mo tungene vodu goyti ngoyni re ko kuokapae, vodu Bangara sa koyna moyna Ebarahami>> sa voy.

⁵ Aisake sa peqani la Jikope no oye sa zo la te vodu ni Paddani Aramu, te kue Lebani toytuleike Betuele boysi ni Aramu oye vavini Ribeka sinae doyru Jikope no Iso.

⁶ Iso sa ase Aisake sa manani soypa Jikope no sa peqani la oye te vodu ni Paddani Aramu me la pale kieke quole te vodu noyene, no sada oye sa manani Jikope oye sa voytuni oye <>

⁷ no Jikope sa vauteve tamae no sinae no sa zola te vodu ni Paddani Aramu.

⁸ Iso sa utini tamae oye Aisake kama kemani vo oyra quole ni Kenani;

⁹ no oye sa la te kue Isimeli, no sa la pale Mahalati, vavinia Nebaoiti toytuquole Isimeli toytuleike Ebarahami, udinia doyra oyra ona quolekutae oye sa reike moyna.

Parika Te Jikope Beteli

¹⁰ Jikope sa kesini Biaseba no sa tasoybaka la te vodu ni Harani.

¹¹ Sada oye sa la doka te kieke ngoyni, oye sa la kuo kieke kose te ngoyni ta bati ngada sa jolupu la no sa kose. Jikope sa pale kieke katora sa boytuloqae sa bokolo sa pam

¹² Oye sa parika no da soy oye sa mia kieke tokatoka sa deire te lua, no boytu suae sa la doka te rani, no da soy, oyra matizana te Bangara ka juolo no puka te tokatoka noyene.

¹³ No da soy, oye sa mia Iaova sa deire vatenge oye no sa voy goyti, <

¹⁴ Oyra sokutu arasumam re moyra seva tabae kau te vodu ni te lua, no oyra moyra repu vaga te neva sa jolupua ngada no te neva sa pukae ngada no te neva moyri no te neva dekana. Te kue re no oyra sokutu arasumam soy aro me manani oyra taba sinaqi te vodu ni te lua.

¹⁵ Vanata! Aro me kuo una amo re no me miatoyke amo te tabae ngoyni re mo tae, no aro me koype vavelini me amo re te vodu goyti, bati aro kama majala qo me kesini amo me doka te sada aro me vavoto oyra pita aro ko puini amo re,>> sa voy.

¹⁶ Sada Jikope sa joykava me te ona pam, oye sa voy <>

¹⁷ Oye sa isi, no sa voy goyti oye, <> sa voy.

¹⁸ Te saruku pipi, Jikope sa pale katora sa boytuloqae no sa vadere sa seva kieke katora vojele, no oye sa jilingini lum te sarapokae katora vojele.

¹⁹ Oye sa vataritingini ngoyni noyene Beteli, ba taritongoa moyna kumala lata ta ne Luzu.

²⁰ Sinani Jikope sa pokitini ona pui no sa voy goyti, <

²¹ soy aro me vele vasasapu te toke te tamaqu, sa voy ta oye Iaova to me qo Bangara

²² no katora aro ko vadere goyti sa seva katora vojele, me ona ngoyni Bangara, no te tabae oyra pita re ko koyna aqo, aro me kea vavelini keike mano te kue re,>> sa voy.