Genesis 2 - Seqa Full Bible

¹ Sa voy ta oye rani no vodu ni te lua no tabae oyra pita te rani no vodu ni te lua sa bosi.

² Te vavetua tava Bangara sa vabosi moyna jaju oye sa joyjuni; si te vavetua tava oye sa mamana te tabae ona jaju oye sa joyjuni.

³ No Bangara sa manani vavetua tava no oye sa vatoybo, bati te tava noyene oye sa mamana te tabae oyra ona jaju vavaporo oye sa joyjuni.

Boysi kinaka no Quole kinaka

⁴ Goyti sa voy toritoria rani no vodu ni te lua kuru poro me. Sada Iaova Bangara sa vaporo vodu ni te lua no rani-

⁵ no aba sa kareo oyra bobosu me takabula me te lua te vodu ni te lua no sa kareo ka pita titiba te lua me tuoqolo puka me, bati Iaova Bangara korovita peqani mevo moyqa te vodu ni te lua no aba kareo boysi me zetuni lua.

⁶ Ba kasuku sa takabula me te vodu ni te lua no sa vamoqete sarapokae lua-

⁷ Iaova Bangara sa pubo boysi te kaua lua no sa ngasapua la te zengo, ngasapuae tu, no oye sa boysi tu.

⁸ Sinani Iaova Bangara sa teba keike barue te neva sa pukae me ngada, te vodu ni Idini: no te ngoyni noyene oye sa la voykuni boysi oye sa pubo te kaua lua.

⁹ No Iaova Bangara sa vatuqolo me te lua taba adoadoa doyra oyra azu- oyra azu ka miminoyi te mata no sa noyi moyra oyke. Te arakaluoboroa barue sa kue azua tu no azua taruenia noyi no roka.

¹⁰ Keike vuru sa juolo tae me Idini sa vamomoqa barue: te ngoyni noyene same tauta te vati oyra boytua bi.

¹¹ Taritongoa vuru kinakasua Pisoni: sa lieqolame te kolabae vodu ni Havila, te ngoyni sa kue qolu.

¹² (Qolu sa kuo te vodu ta sa noyi: oyra poporae azu sa nanabu noyi no katora ngoyjala majamajala ka kuo te ngoyni ta.)

¹³ Toritongoa vakeria vuru Qioni: sa lieqolame te kolabae vodu ni Kusi.

¹⁴ Toritongoa vatulua vuru Tiqirisi: sa juolo voy la te neva sa pukae me ngada Asari. No vavatia vuru Uperetesi.

¹⁵ No Iaova Bangara sa koype boysi no sala voyko oye te baruoe ni Idini soy me zetuni no me asetoyke.

¹⁶ No Iaova Bangara sa voytuni boysi, <

¹⁷ ba te azua taruenia noyi no roka re kasi mo oyke veverea, bati te tava re ko oyke sa tuna re ini mo lei.>>

¹⁸ Iaova Bangara sa voy, <> sa voy.

¹⁹ No sinani Iaova Bangara sa pubo me te lua taba pita peru te sanoyqa no taba oyra roroko te maloykanae. Oye sa koype me oyra te kue boysi soy me mia adoa toritongo me koyna oyra: no ka pita boysi me keleikini oyra, susupae doyra oyra pita ka tu, oye to ta me toritongoa doyra.

²⁰ Sa voy ta oye, boysi sa vataritenge taba oyra pita pupura, oyra roroko te maloykanae no taba oyra pita peru te sanoyqa. Ba te kue boysi kama zari vo boysi arasasaoto me araviri oye.

²¹ Sa voy ta oye Iaova Bangara sava poymo sua boysi: sada oye aba sa pam, oye sa pale kieke poyda raqaraqae no sa kumo velini ni zio te ngoyni noyene.

²² Sinani Iaova Bangara sa joyjuni quole te raqaraqa oye sa pale kesini moyna te kue boysi, no oye sa koype me oye te kue boysi.

²³ Sa voy goyti boysi, < Bati oye ka pale te kue boysileike.>>

²⁴ Ta te soy oye boysileike me kesini tamae no sinae no me kuo vakeike te kue ona quole no oyru me keike to senini doyru.

²⁵ Boysi no ona quole aba kuru qula to, no oyru kama mamaqatae doyru.