Genesis 17 - Seqa Full Bible

Vato- Arapokitini Te Arapoti

¹ Sada Abarami sa ziangulu zia avea, Iaova sa takabula te kue oye no sa voy, <

² Sinani aro me vavoto qo vato-arapokitini te kue taqo no te kue re no me vazadeve oyra sokutu arasumam re,>> sa voy.

³ Abarami sa kapata juolo la te lua, no Bangara sa voy te kue oye,

⁴ <

⁵ Kama taritengeni vele doyra amo re Abarami; ba taritongom re Ebarahami, bati aro ko vene amo re mo tamae doyra oyra taba tubia boysi.

⁶ Aro me vavere vataba amo re; Aro me vaporo me oyra tubia boysi te kue re, no oyra buoe lata moyra tae me te kue re.

⁷ Aro me vadere qo vato- arapokitini me seva keike vato- arapokitini me kuo sua tabasadasada te arakaluboro qu ro no re no oyra sokutu arasumam re te taba oyra sapoko aba kala kuo me, aro to me mo Bangara re no Bangara te oyra sokutu arasuma te rokusum re, sa voy.

⁸ Totongonia vodu ni Kenani, ngoyni re ko kuokapae sinani, Aro me koyna amo re no oyra sokutu arasumam re mina tungene taba sadasada, no aro me doyra Bangara,>> sa voy.

⁹ Sa voy goyti Bangara te kue Ebarahami, <

¹⁰ Goyti qo vato- arapokitini te arakaluboro qu ro, re no oyra sokutu arasumam re, vato- arapokitini ram mam sute: voduvua doyra oyra leike te kue ram moyra pote koykoypa kopikae doyra.

¹¹ Ram mam pote koykoypae takodeke senini kupikae mina, no goyti me lalae vato- arapokitini te arakaluboro qu ro no ram.

¹² Te oyra sapoko aba ka kuo me, taba oyra soleike sa viu tavae doyra moyra pote koykoypa kopikae doyra, mam pote koykoypa kopikae doyra oyra toytu doyra oyra sika ka puodo te mina toke, no oyra sika kam ngota tanamina te kue oyra boysi veke- oyra kama sokutu tae me doyra te kue re.

¹³ Tabae doyra oyra leike ka puodo me te mina toke no oyra kam ngota ni mina kisa, moyra pote beito koykoypa kopikae doyra. Qo vato- arapokitini me kuo te senini mina, vato- arapokitini me kuo sua taba sadasada.

¹⁴ Ka leike kama pote vo koykoypa kopikae, oye kama pote vo koykoypa kopika te senini, oye sa vaikuodoko te kue oyra ona boysi; bati oye sa voye qo vato- arapokitini ro,>> sa voy.

¹⁵ No sa voy vele goyti Bangara te kue Ebarahami, <

¹⁶ Aro me manani oye no oye me vapuodo te kue re keike tomleike. Aro me manani Sera, no oye me sinae doyra oyra tubia boysi; no oyra buoe lata te tubia boysi moyra tae me te kue oye,>> sa voy.

¹⁷ Ebarahami sa kapata joulo la te lua; oye sa biere noypo tani no sa voy, <>

¹⁸ No Ebarahami sa voy goyti te kue Bangara, <> sa voy.

¹⁹ Ba sa voy goyti Bangara, <

²⁰ Te kue Isimeli, Aro ko vanata amo re: Vanata! Aro me manani oye; no me vavere vataba oye no me vazadeve oye. Oye me tamae doyra oyra manokeri buoe, no aro me vaporo oye te kieke tubi poyua boysi.

²¹ Ba aro me vadere qo vato- arapokitini te kue Aisake, oye Sera me vapuodo te kue re te sada sa seva goyti ave sa me.>>

²² Sada oye sa bito ngeoro te kue Ebarahami, Bangara sa kesini oye no sa zo puka.

²³ Te tava noyene Ebarahami sa koype toytuleike oye Isimeli no taba oyra ka puodo te ona pupu, no oyra sa ngotani ona kisa, oyra leike taba te ona pupu, no oye sa pote koykoypa kopikae doyra, sa seva Bangara sa soynani oye.

²⁴ Ebarahami sa ziangulu zia avea sada oye sa pote koykoypa kopikae,

²⁵ no toytuleike oye Isimeli sa manotulu avea sada oye sa pote koykoypae takodeke senini kopikae;

²⁶ Ebarahami no toytuleike oye Isimeli kuru pote koykoypa kopikae doyru keike to tava.

²⁷ No taba oyra leike ka kuo koype oye, no oyra ka poudo te ona pupu, no oyra boysi veke oye sa ngota oyra no Ebarahami soy, ka vakieke pote koykoypa kopikae doyra.