Genesis 13 - Seqa Full Bible

Abarami No Lote Kuru Aravoylaka

¹ Abarami sa kesini vodu ni Ijipi sa zo puka voy la Neqeve, sa koype ona quolekutae oye Serai no pisipita taba oye sa tugnene, no Lote sa koype una oye.

² Abarami sa tutupari varoka ni vaua sipi no taba siliva no qolu.

³ Oye sa kesini Neqeve oye sa tae vaga te taba ngoyni sinani oye sa doka Betele, te arakaluoboroa doyru keri kumala ni Betele no Ai, ngoyni oye sa toyruni moyna ona toypaka pua

⁴ no te ngoyni oye sa vadere ni moyna sara taboyna. No te ngoyni noyene Abarami sa keleke taritongoa Iaova.

⁵ No Lote, oye sa koype loyluni Abarami, sa tungene vele oyra vaua sipi no bulumakao no oyra ona toypaka pua.

⁶ Ba lua te ngoyni kuru la kue kama gaevo oyru muru vakeike kue, bati sa taba sua oyra pita pupura oyru kuru tugnene, sa taka oyru muru keike kuo.

⁷ Oyra boysi ka mia toyke oyra pita pupura te Abarami ka vatoqa oyra boysi ka mia toyke oyra pita pupura te Lote. Te sada noyene oyra boysi ni Kenani no oyra boysi ni Perizi ka ba kuo te vodu noyene.

⁸ Si sa voy goyti Abarami te kue Lote, <

⁹ Be sa voy kama totongonia vo lua sa kuo te tarakenakam? Itu matu arapareria. Sada re ko vene mo zo voy te neva moyri, aro me zo voy te neva dekana; sada re ko vene mo zo voy te neva dekana, aro me zo voy te neva moyri,>> sa voy.

¹⁰ No Lote sa mi vaga la, sa mia sare poyu ni Jodani sa mi kadu la Zoa sa tabae bi, sa seva barue te Iaova, no sa seva vodu ni Ijipi. (Sada goyti korovita vaupu vo Iaova kumala ni Sodomo no Qomora.)

¹¹ Si Lote sa vene totongunia sare ni Jodani no oye sa zo voy la te neva sa pukae me ngada. Oyru kuru aravoylakae:

¹² Abarami sa kuo te vodu ni Kenani, no Lote sa la kuo te arakaluoboroa doyra oyra kumala lata ka kuo te sare no sa vadere oyra ona toypaka pua vatanga te kumala ni Sodomo.

¹³ Oyra boysi ni Sodomo ka boysi roka no ka zaqala varoka te kue Iaova.

¹⁴ Sada Lote sa kesini soypa oye, sa voy goyti Iaova te kue Abarami, <

¹⁵ Taba oyra vodu re ko mia Aro me koyna amo re no oyra sokutu arasumam re taba sadasada.

¹⁶ Aro me vazadeve oyra sokutu arasumam re moyra seva tabae ngasonoro te vodu ni te lua, ka oye sa majala ngea beito kau, sinani oye me majala ngea beito sokutu arasumam re.

¹⁷ Sinani mo zo vaga la te ngavae, no depae vodu goyti, bati aro me koyna amo re,>> sa voy.

¹⁸ Si Abarami sa vanukere oyra ona toypaka pua no sa zo la me la kou vatanga te oyra azu taboyna ni Mamere te kumala ni Heboroni, ngoyni oye sa vadere ni koyna Iaova sara taboyna.