Sawal la giled’a 87 - Bible azumeina

A yor Siyon

¹ Ni sawal la gile d’a Kore groma a hlata. Ma didina mi tin azì ma Jerusalem-ma ni yam ahina d’a a tinit irat vata.

² Mi min azì ma Siyon-na kal yima kak ma dingâ handjafâ hi Jakob-mina pet.

³ Ang azina hAlonina, ahle suma azi dazi kangâ pet ni subura. Tchol ndjö

⁴ An mba ni de woi yam Ezipte ki Babilon aduk suma a wana ala: Gola! Suma Filistê-na ki suma Tir-râ ki suma Etiyopi-na a vud’uzi ni kur ambas sa wanda!

⁵ Wani yam azì ma Siyon-na, djivid’a a de kam ala: Alo ma sä akulo ma kal teglesâ, mi tinimî mam tamba, wana nambas sa gagazid’a hi nge nge pî d’a adigazid’a.

⁶ Ma didina mi ndum andjaf suma, mi b’irizi simiyêzi kur mbaktumba ala: Sama lara pî a vud’um mi Siyon sä hî. Tchol ndjö

⁷ Suma hle sawala ki suma lü ndjongâ a nga dala: Djivi manda pet ti tcholï ni kuruk ndak Siyon!