Sawal la giled’a 82 - Bible azumeina

Alona ni ma nga mi ka sariya d’a iratina

¹ Ni sawal la gile d’a Asaf mi hlata. Alona mi nga tchola aduk tok ka ngol la sä akulod’a, nga mi ka sariyad’a aduk suma a nga yazi ala alona na.

² Mi dazi ala: Agi mba kagi sariyad’a bei d’ingêra á djik suma asa’atna akulo hina gagak mindja ge? Tchol ndjö

³ Ar agi kagi sariya d’a d’ingêra mi suma amangeîna ki suma hokuyod’a. ar agi kagi sariya d’a d’ingêra mi suma hohoud’a ki suma kid’aka mi.

⁴ Ar agi sud’ugi suma amangeîna ki suma houd’a, ar agi prud’uzi woi abo suma asa’atna.

⁵ Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

⁶ An dala: Agi nalona, agi ni Ma sä akulo ma kal teglesâ groma.

⁷ Wani agi mba bogi ni d’igi suma na, agi mba pugugi ni d’igi ma ngol ma lara pî hina mi.

⁸ Alo mana, ang tchol akulo, ang ka sariyad’a yam suma yam andagad’ina, kayam angî Sala andjaf suma yam andagad’ina pet.