Sawal la giled’a 75 - Bible azumeina

Alona ni ma ka sariya d’a d’ingêra

¹ Ni sawal la gile d’a Asaf mi hlat mi hat mi ma ngolâ hi suma hle sawalina.

² Ami nga gilengû, Alo mamina, ami nga gilengû, kayam ang nga go ki sed’emiya. Ami nga dami woi yam sun mang nga kal papad’a mi.

³ Alona mi dala: Ata yima an ngama, an mba ni ka sariya d’a irata.

⁴ Andagad’a kahle suma kurutna pet a mba giged’a, wani ni an ba ni sirat ad’ud’u. Tchol ndjö

⁵ An nga ni de mi suma a subur tazina ala: Agi suburugi tagi d’i. An de mi suma asa’atna ala: Agi hlagi yagi akulo d’i.

⁶ Agi hlagi yagi akulo d’i! Agi dagi zlad’a ki subur tad’a d’uo mi.

⁷ He ngola mi sanid’a nga d’i tcholï nabo ma yorogona, d’oze abo ma fladegena, d’oze abo ma hur fulîna d’uo mi.

⁸ Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

⁹ Ma didina mi nga ki kop ma nga oîd’a kayî mamina abomu. Ayî mama ni d’igi süm ma teteng ma a gizeyêm kahle suma ayînina na. Mi vom mi suma asa’at suma yam andagad’ina pet; a tchum mbei ki damndjagam pet.

¹⁰ Wani anu, an mba ni de woi burâ ki burâ yam sun mang nga ang lata, an mba ni hle sawala á gileng ang Alona hi Jakob-ma ala:

¹¹ Mam mba mi kus yam ad’enga hi suma asa’atnid’a, mam mba mi he ngola mi suma d’ingêrâ mi.