Sawal la giled’a 70 - Bible azumeina

Tchina hi sama kur ndakina

¹ Ni sawal la gile d’a David mi hlat mi hat mi ma ngolâ hi suma hle sawala á djib’er yam Alonid’a.

² Alona, ang mbeï sud’unu; Ma didina, ang mbeï atogo ndjununu!

³ Ar suma pet suma a halan á tchid’ina a mbut zulona, a mbut vama lasa mi; ar suma a min á lan tchod’ina a hulong bugol ki zulona.

⁴ Suma a nga de kan ala: Tchuhu! Tchuhu! na, ar azi hulong kazigazi abo zulo mazina.

⁵ Ma didina, ar suma pet suma a nga halangâ a le furîd’a ki hur ma hapma kangû, ar suma a le yam sut mangina a de burâ ki burâ ala: Ma didina ni ma kal papana!

⁶ An ni ma hou ma hohoud’a, wani Alona, ang nga djib’er kanu; angî ma ndjununa, angî ma sud’una mi. Ma didina, ang le lilinga d’i.