Sawal la giled’a 67 - Bible azumeina

Ar andjaf suma pet a subur Alona

¹ Ni sawal la gile d’a a hlat kadingâ a hat mi ma ngolâ hi suma hle sawalina.

² Alo mamina, ang wami hohowomiya, ang b’e vunang kamiya, ang tin irang kami mi. Tchol ndjö

³ Hina wani, suma yam andagad’ina pet a mba we min manga; andjaf suma pet a mba wala angî ma sut suma.

⁴ Alo mamina, ar andjaf suma a suburungû, ar andjaf suma pet a suburungû.

⁵ Ar andjaf suma a le furîd’a, a gilengû, kayam angî ma ka sariya d’a d’ingêra yam sumina, ni ang ba, tak lovota mandjaf suma yam andagad’ina mi. Tchol ndjö

⁶ Alo mamina, ar andjaf suma a suburungû, ar andjaf suma pet a suburungû.

⁷ Alo mamina, ang b’e wa vunang kamiya, andagad’a ti djivimi wa awuna mi.

⁸ Alo mamina, ang b’e wa vunang kamiya; ar andjaf suma yam andagad’ina pet a lang mandarangû.