Sawal la giled’a 61 - Bible azumeina

Alona ni yima ngeid’a

¹ Ni sawal la gile d’a David mi hlat kadingâ mi hat mi ma ngolâ hi suma hle sawalina.

² Alo mana, ang hum tchi mana, ang tin humang hum tchen manda.

³ Ata yima an ndak kuo an woi dei avun dabid’a handagad’ina, an nga ni yangû, ang ndjununu, ang tinin yam ahina d’a fiyak ka ked’iwurenga.

⁴ Kayam angî yi man ma ngeid’a, angî gong nga fiyak ka akulo d’a ad’eng nga d’el man suma djangûnid’a.

⁵ An min kak kur zlub’u manga teteu, an hal yima ngeid’a nad’u ahlabangû. Tchol ndjö

⁶ Alo mana, ang hum vun ma hle ma an hlangzina, ang han djo mana zlapa ki suma a nga lang mandarangâ mi.

⁷ Ang han an amulâ burun fiyaka, ang han bizan ablaud’a mi.

⁸ Ar an tamula avorong ang Alona teteu, ar o mang nga didinda ki gagazi manga a ngomon mi.

⁹ Hina wani, an mba ni gileng simiyêng teteu, an mba ni ndak vun vun man ma hled’a teteu mi.